Rama urdhëron nisjen e hetimeve për grabitjen e liqeneve në të gjithë Shqipërinë nga banda famëkeqe e LSI, tjetër dosje për Metën dhe Monikën para se të ngrihet Byroja e Hetimit
Nuk është rastësi që Lëvizja Socialiste për Integrim konsiderohet si banda më famëkeqe, më e organizuar dhe më e madhe e hajdutëve dhe e plaçkitjes në Evropë. Si mos t’u mjaftonin guroret, pyjet, tenderat e rrugëve, burgjet, bregdeti etj., Ilir Meta dhe Monika Kryemadhi u janë turrur edhe liqeneve, gjatë kohës që qeverisnin me Sali Berishën dhe më pas me Edi Ramën.
Me anë të ministrave dhe drejtorëve të tyre, Monika dhe Meta kanë kaluar liqenet në emër të sekserëve dhe klientëve të tyre, për t’i shfrytëzuar për interesa personale dhe pasurim.
Liqenet janë dhënë fillimisht në përdorim gjoja për të kultivuar peshk, por kjo ka qenë hapi i parë për t’i marrë përfundimisht, përmes procedurave korruptive.
Ditët e fundit, Edi Rama ka dhënë urdhër që të kontrollohen të gjitha kontratat e kalimit të liqeneve në vend në duart e hajdutëve të LSI. Administrata ka marrë urdhër që të përgatisin një dosje voluminoze për procedurat korruptive të tjetërsimit të liqeneve dhe zbatimin e kontratave. Dosja do të bëhet gati para se të ngrihet Byroja Kombëtare e Hetimit.
Nga strukturat e shtetit po verifikohet edhe grabitja e tokave bujqësore nga Lëvizja Socialiste për Integrim.
Duke patur në dorë Ministrinë e Bujqësisë, Meta dhe Monika nisën të shpërndanin për hajdutët e tyre tokat bujqësore, me anë të kontratave korruptive. Një rast flagrant është edhe dhënie e 90 hektarë tokë Eskobarit të Ballkanit, Klemend Balili, nga Ilir Meta dhe Monika Kryemadhi./Pamfleti