Shpëtim Idrizi dhe Vangjel Dule janë dy politikanët ‘armiq’, që tashmë do t’i shohim që të dy ‘nën sqetullën’ e Lulzim Bashës. Dikur armiq të përbetuar, sot në miq që do të luftojnë së bashku Edi Ramën, nën siglën e PD. Kohë më parë, Vangjel Dule i PBDNJ u largua nga koalicioni me PS, për shkak se Rama bëri koalicion me Idrzin e PDIU.
Në janar të 2017-ës, Vangjel Dule ka sqaruar arsyet pse nuk mund të qendrojë në një koalicion me Shpëtim Idrizin, duke sulmuar ashpër këtë të fundit, duke e quajtur prototip që kalonte nga një forcë politike në një tjetër.
“Me ardhjen e zotit Idrizi si kandidaturë për nënkryetar i Kuvendit, unë isha në një dilemë morale në kuadrin e politikës. Çfarë është posti i nënkryetarit? Është një vend honorifik, pa asnjë kompetencë thelbësore, por të paktën gjatë gjithë jetës sonë parlamentare aty kanë shërbyer persona të nderuar.
Ne kemi një fenomen, kriminalizimin që na çoi në domosdoshmërinë e dekriminalizimit. Kemi merkaton parlamentare, një deputet që sot zgjidhet me një forcë politike, se ka problem që nesër të kalojë në një forcë politike dhe pasnesër të rikthehet në forcën politike që u zgjodh ose të zgjedhë një forcë tjetër.
Zoti Idrizi ka qenë prototipi i këtij tregu. Në 2009 u zgjodh deputet në Partinë Socialiste. E braktisi për të vajtur në një parti që sapo u formua”, është shprehur Dule pë Shpëtim Idrizin.