Afera më e madhe korruptive, në të cilën është përfshirë drejtpërdrejtë ish-kryeministri Sali Berisha, duket se do të kalojë në duart e SPAK-ut. Gjykata e Tiranës ka shtyrë sërish me tre muaj hetimin e çështjes së privatizimit në 2009 të OST te çekët e CEZ.
Teksa Reforma në Drejtësi është futur në një hallkë tepër të nxehtë të zbatimit të saj, ku pritet të bëjë ‘kurban’ shumë politikanë të korruptuar dhe të lidhur me krimin, edhe afera mijëra euroshe e familjes Berisha do të marrë zgjidhje përfundimtare, duke çuar në burg Sali e Shkëlzen Berishën dhe shumë politikan të asaj kohe.
Sistemi gjyqësor, i cili prej kohësh është nën ‘kthetrat’ e Vettingut, duke u pastruar nga krimi e korrupsioni, duket se po e zvarrit me qëllim hetimin e kësaj afere galopante, për ta kaluar në Strukturën e Posaçme Antikorrupsion dhe Kundër Krimit të Organizuar (SPAK), strukturë që pritet të ngrihet shumë shpejt për t’i dhënë goditjen më të madhe krimit në Shqipëri, ku nuk do të kursejë as politikanët.
I pari në listë dhe koka e krimit shqiptar është ish-kryeministri Sali Berisha, për të cilin me t’u ngritur SPAK do të bëhet gati dhoma e burgut, ku do të kalbet së bashku me të birin. Skandali më i madh korruptiv i shkaktuar prej tij është ai me privatizimin e OST te çekët e CEZ në vitin 2009, kur të përfshirë janë dhe shumë zyrtarë të tjerë të tij, me në krye ministrin e Financave të asaj kohe, Ritvan Bode, por edhe djalin e ish-kryeministrit, Shkëlzen Berishën.
Për këtë aferë ka një padi ndaj ish-kryeministrit Berisha dhe 20 zyrtarëve të tjerë të tij, të cilët do të ‘fundosen’ shumë shpejt nga SPAK-u. Për ta nuk ka më shpëtim, milionat e vjedhura do iu merren dhe ata i pret burgu./Pamfleti