Gjenerali Ljubisa Dikovic është larguar edhe zyrtarisht nga posti i shefit të Shtabit të Ushtrisë së Serbisë. Këtë post nga sot do ta ketë Milan Mojsiloviq.
Në një konferencë me gazetarë, presidenti i Serbisë, Aleksandër Vuçiq foli disa fjalë për biografinë e shefit të ri të ushtrisë.
Ai përmendi një fakt se Mojsiloviq është i lindur në Kosovë.
“Kam pranuar kërkesën e Dikoviçit për daljen në pension. Dua ta falënderoj për marrëdhënien e tij me Serbinë dhe heroizmin dhe guximin që e kundërshtoi agresionin e NATO-s”.
Ne biografinë e Milan Mojsiloviç tregohet se ai është i lindur më 3 gusht 1967 në Mitrovicë, transmeton Indeksonline.
Poashtu, ai shërbeu si shef i Departamentit Operacional të Komandës së forcave operative të Armatës së Serbisë. Njekohesisht eshte edhe zëvendës komandant i Komandës së bashkuar operative të Shtabit të Përgjithshëm dhe Komandantit të Ushtrisë.
Në periudhën e një viti, nga tetori 2013, ai shërbeu si kryetar i grupit këshillimor ndërkombëtar në Qendrën për Bashkëpunim të Sigurisë RACVIAC.
Ai është i martuar dhe ka një djalë.