Mbrëmjen e djeshme, Kryeministri Edi Rama ishte i ftuar në emisionin “Open” të Eni Vasilit, teksa u pyet për temat më të nxehta të aktualitetit, e ndër këto puna e ministrave dhe ndryshimet në qeveri.
Duke iu referuar pyetjes për ngjarjet kriminale në Shkodër, Rama është shprehur se nuk është i kënaqur me punën ë e asnjërit, duke filluar nga vetja e tij, duke shpjeguar se: Unë ngrihem në mëngjes, me mendimin se ç’do bëj sot dhe ngrysem në darkë, me mendimin nëse duhet të bëja më shumë?!
Gazetarja: A jeni i kënaqur me punën e ministrit Xhafaj?
Rama: “Nuk jam i kënaqur me punën e asnjërit, duke filluar që nga vetja ime. S’jam i kënaqur me askënd. Unë nuk kënaqem asnjëherë…”
Gazetarja: Do të bëni ndryshime në qeveri?
Rama: “Kjo është për ne, për publikun është me rëndësi ekonomia…”
Gazetarja: Deri sa vjeç do rrini në politikë?
Rama: “Me siguri, shumë më parë se të vij dita, që së largu të mund të mendohet se do bëhem si puna e këtij (i referohet Sali Berishës) … më vjen keq që e them!”
I pyetur nëse është dakord për vetingun e politikanëve të propozuar nga PD, Rama është shprehur se vetë ata nuk janë të qartë se çfarë kanë propozuar.
Duke iu drejtuar Berishës, Bashës, dhe Kryemadhit, Rama është shprehur me ironi: A mendoni se këta të tre do të ngrenë një institucion për të hetuar veten e tyre?!”/Ekskluzive.al