Partia Demokratike ka filluar procesin për zgjedhjet e brendshme dhe pse rigjenerimi i strukturave, duhet të ishte zhvilluar brenda muajit korrik.
Por siç duket, deputetët e ngarkuar me detyra në rrethe, tani kanë filluar ta marrin seriozisht për të përmbyllur zgjedhjet.
Së fundmi deputeti i Myzeqesë, Myslim Murrizi, ka nisur një tur takimesh për të takuar elektoratin e djathtë në zonën e tij dhe për t’i angazhuar në procesin e votimit.
Nga fotografitë e shpërndara prej tij dallohet, se gjatë zgjedhjeve, anëtarët janë qerasur me pije alkolike si birra dhe raki.
Ndërkohë, burime të sigurta thonë, se Murrizi ka shpalosur edhe talentin e tij në muzikë ku ka zgjedhur të këndojë disa këngë shqiptare.
