Një ish-kampion boksi i Vllaznisë ka rënë dje në prangat e policisë së Shkodrës, si i dyshuar për vepra të ndryshme penale. Në një aksion që ndërmori dje kjo polici lidhur me ngjarjen e fundit kriminale që kanë tronditur qytetin verior, mes të arrestuarve ishte edhe 29-vjeçari.
Astmer Bilali është një emër i njohur në botën e sportit, pasi ai ishte i vetëm nga katër kuqezinjtë që mundi të kualifikohej, një tur në turneun kualifikues të Lojërave Olimpike “Londër 2012”.
Mirëpo, humbja që pësoi në raundin e 1/8-ve me boksierin rumun Ionut George i dha fund edhe ëndrrës kuqezi për t’u përfaqësuar për herë të parë në historinë e saj me sportistë në një eveniment si Lojërat Olimpike. Gjatë karrierës së tij, Astmer Bilali është cilësuar në shumë aktivitete si një boksier me të ardhme, madje shpeshherë është nderuar si boksieri më i mirë.
Por emri i tij nuk është përmendur vetëm për mirë. Katër vjet me parë duket se nis edhe ndryshimi i rrugës së tij…Në 2014, ish-kampioni i boksit arrestohej për armëmbajtje pa leje. Gjithashtu, në 2017, ai është vënë sërish në pranga, si i dyshuar për vjedhje me armë.
Ndërsa vetëm një ditë më parë, ai është ndalur si një nga elementët kriminal në qytetin e Shkodrës