Ismet Haxhiaj, vëllai Izet Haxhiaj, i cili ka përfunduar tashmë burgun për vrasjen e Azem Hajdarit është shprehur se nuk ka besim tek drejtësia, derisa politika ka pushtet mbi të, e vijon të ndërhyjë në çështjet e gjyqësorit, duke mos lejuar një proces të drejt.
Ai akuzoi me emra dy personat që po mundohen të ndikojnë në dosjen Hajdari, dhe kanë ndikuar ku Ilir Meta është pagatori i 5o milion lekëve për gjyqtarët e prokurorë që të dënoheshin padrejtësisht, kurse Sali Berisha pagoi për të shpëtuar veten, si hjeksi i vrasësit të Hjadarit.
Ja statusi i Ismet Haxhisë:
“Të nderuar miqtë e mi. Ka kohë që çështja “Hajdari” ka qenë në qendër të opinionit publik, pas ekstradimit të vëllait tim nga Turqia, për t’u vënë përballë drejtësisë në funksion të zbardhjes së kësaj çështje.
Politika duket e trembur, e trembur po shfaqet edhe drejtësia si pjellë fatkeqe e kësaj politike të inkriminuar ndër vite.
Dorëheqja e gjyqtarëve nuk është gjë tjetër, përveçse zbatimi i një skenari të turpshëm, nëpermjet te cilit kërkohet që trupa gjykuese të caktohet nga dy persona të implikuar në këtë çështje.
Ilir Meta, në atë kohë kryeministër i vendit, i cili shpërbleu me nga 50 milionë lekë gjyqtarë e prokurorë, që çështja të përfundonte duke dënuar njerëz të pafajshëm, dhe tjetri Sali Berisha, në prapaskenën e këtij procesi dhe derigjues i tij, për të mbuluar akuzën e rëndë si hjekesi i Hajdarit dhe akuzuesi në prapaskenë i Izet Haxhiajt, për të mbuluar krimin e tij” /Ekskluzive.al