Ambasadori Donald Lu deklaroi kur erdhi në Shqipëri se gjyqtarët e korruptuar duken nga makinat dhe nga orët që mbajnë në dorë. Në Parlament ka politikanë me makina shumë të shtrenjta, ndërsa të tjerë mbajnë ora “Rolex”. Gazeta ka vënë re se në kampin opozitar ka një numër të madh deputetësh që kanë makina shumë të shtrenjta. Vetë kreu i opozitës Lulzim Basha ka deklaruar pranë ILDKP se zotëron një automjet tip “Mercedes Benz” me vlerë 72 mijë euro.
Në të njëjtën vlerë ka blerë një automjet dhe deputeti i LSI, Agron Çela. Grida Duma ka deklaruar se ka blerë një makinë tip “Chevrolet” plot 33 mijë euro. Ndërsa deputeti i PS, Anastas Angjeli zotëron një makinë me vlerë rreth 51 mijë dollarë. Valentina Duka ka një automjet tip ‘Hyundai’ me vlerë 23.500 euro. Djali i Shezai Rrokajt ka blerë në Gjermani një makinë tip ‘BMË’ me vlerë 21.500 euro. Makinën më të shtrenjtë e ka deklaruar Sali Berisha. Ai është shprehur se djali i tij ka blerë makinë me vlerë 85.000 euro.
Mes emrave me makina të shtrenjta është dhe Tom Doshi, i cili ka deklaruar se ka blerë makinë 45 milionë lekë të vjetra. Ndërsa Sadri Abazi ka blerë makinë me vlerë 21.300 euro. Rakip Suli po ashtu rezulton pronar me 100% i një veture tip Mercedes Benz, blerë në vitin 2003, në vlerën 37 322 euro. Fatmir Velaj rezulton pronar me 100 % i një makine tip ‘Chryesler Voyager’, blerë me të ardhura nga paga dhe kursimet, vlera 2.000.000 lekë. Ervin Salianji është pronar me 100 % i një makine tip “Mercedez Benz”, blerë më 07.01.2014 me të ardhura familjare, 10.000 euro. Evis Kushi është pronare me 100% i një veture tip Skoda Octavia në vlerën 14.500 euro. Fadil Nasufi ka deklaruar se ka blerë makinë ‘Toyota Rav4 – Turer’, prodhim i vitit 2013, blerë në Gjermani dhe zhdoganuar në Durrës më 02.11.2017, vlera 13.300 euro. Elisa Spiropali ka deklaruar se bashkëshorti i saj ka siguruar të ardhura nga kontrata e shitjes së automjetit më 28.06.2017, 30.000 euro. Edmond Haxhinasto ka deklaruar shpenzime për blerjen e një autoveture tip ‘Toyota Land Cruiser’ blerë me këste në mars 2017, 26.000 euro. Ndërsa Bashkim Fino ka deklaruar shpenzime për blerjen e një automjeti të përdorur tip ‘Mercedes Benz E Class E 220 d Sedan’, vlera 30.000 euro. Ajo që bie në sy është se deputeti Bardh Spahia ka marrë dhuratë një automjet tip BMW.
Makinat më të lira
90 për qind e deputetëve rezultojnë se kanë makina të shtrenjta me mbi 15 mijë euro. Por ka dhe nga ata me makina më të lira. Fidel Ylli ka deklaruar se ka blerë makinë 50 mijë lekë. Ogerta Manastirliu është bashkëpronare me 50% e një veture blerë në vitin 2009, 340.000 lekë.
Bashkëshortja e Fatmir Xhafaj ka blerë veturë 200.000 lekë. Edlira Bode rezulton
bashkëpronare me 50 % e një autoveturë tip ‘Fiat Seicento’, vit prodhimi 2002, vlera 300.000 lekë. Bashkëshorti i saj ka një makinë tip ‘Opel Astra’, vit prodhimi 2000, vlera 1.000 euro.
Blerina Gjylameti zotëron automjet me vlerë 2.500 euro. Dhurata Çupi ka marrë kredi konsumatore për blerjen e një automjeti. Detyrimi i shlyer, 4.731 euro. Bashkëshortja e Dashamir Shehit ka shitur makinë tip “Opel” 300 mijë lekë. Silva Caka rezulton pronare e një automjeti tip Opel me vlerë 900 Euro. / Kliti TOPALLI