Bruno Fernandes, lojtari që aktualisht ka kontratë me Sporting Lisbonën, ishte prezent në Kupën e Botës “Rusi 2018” dhe luajti mbrapa Cristiano Ronaldos. Mesfushori i avancuar pranoi se çdo ditë e më shumë habitet nga aftësitë e ylli portugez.
A jeni i habitur për ta parë bashkatdhetarin tuaj më të famshëm te Juventusi?
Jo, aspak. Cristiano është një djalë, i cili ka nevojë për sfida. Ai është një profesionist i vërtetë dhe dëshiron të tregojë se, edhe në moshën 33-vjeçare, mund të bëjë shumë mirë. Ai mund të bëjë dallimin te Juventusi, sepse është një kampion i madh”.
Si e njihni CR7, a mund të na e përshkruani atë?
Duke e pasur atë si një partner, është pasuri e madhe, është mbresëlënëse. Ai gjithmonë trajnohet shumë, shumë. Dhe, nëse në nivelin që ka arritur, është vështirë të përmirësohet, ai sheh çdo ditë një aspekt ku mund të përparojë. Nëse ai ka qenë në krye për shumë vite dhe ka fituar 5 “Topa të Artë”, është gjithashtu për këtë mentalitet. Nuk është rastësi që ai e ka pushtuar botën. Është një fitues.
Por, a është e vërtetë se vjen i pari në fushën e stërvitjes dhe largohet i fundit prej saj?
Nuk e kam kontrolluar gjithmonë… (të qeshura). Por, është e vërtetë, kur kam mbërritur në dhomat e zhveshjes, Cristiano tashmë e kishte veshur uniformën për të punuar në palestër.
Aspekti që të ka impresionuar më shumë te Ronaldo?
Ftohtësia me të cilën gjuajti goditjen e lirë në minutën e 94-t kundër Spanjës. Barriera e lartë, një nga portierët më të mirë në mes shtyllave: vetëm Cristiano mund të ketë ftohtësinë dhe aftësinë për të shënuar kështu.