Donald Trump vazhdoi përsëri me sulmin e tij ndaj mediave të enjten, duke i kritikuar si shtypi i “lajmeve të rreme dhe të neveritshme”, ndërsa gazetarët i përshkroi si “njerëz të tmerrshëm”.
Deklaratat e shefit të Shtëpisë së Bardhë, vijnë pas paralajmërimit të ekspertëve të OKB-së gjatë një dite më parë që veprimet e tij ishin duke vënë në rrezik gazetarët pasi ishin të ekspozuar nga dhuna.
Në një takim në Pensilvani, për të mbështetur një kandidat republikan për Senatin e SHBA, Trump shpenzoi më shumë se 15 minuta duke renditur një seri ankesash për shtypin, duke nxitur edhe reagimin e zemëruar nga turma e mbledhur drejt medias.
Presidenti me zemërim sulmoi mbulimin që media bëri për një seri çështjesh, duke përfshirë fitoren e tij në zgjedhjet e vitit 2016, takimin e tij me Kim Jong-un të Koresë së Veriut, takimin e tij me Vladimir Putin, takimin e tij me NATO-n dhe më në fund takimin e tij me Mbretëreshën në korrik.
Kritikat me te forta te Trumpit erdhen gjate nje anekdote per vonesen. Trump tha se mbreteresha dhe ai “u moren vesh shume mire” dhe e shijuan “kimine e mire” qe pati mes tyre, por ai shtoi se “fake news”-i raportoi se ai ishte vonuar ne takim.
Gjatë fjalimit të tij të enjten, Trump vuri në dukje zonën e shtypit në mes të arenës, ndërsa ai u kujtoi atyre skepticizmin rreth shanseve të tij për fitore në nëntor 2016.
“Ata po vuanin atë natë, po vuanin tej mase”, tha Trump duke iu referuar analistëve gjatë natës së zgjedhjeve. Më pas premtoi se shteti Keystone do t’ia japë atij fitoren “herën e ardhshme”, për të shtuar se “vetëm ngjarjet negative nga ata që raportojnë lajme të rreme mbështeteshin atje”.
Pas çdo denoncimi, turma vërshëllente dhe bërtiste ndaj shtypit që ndodhej i pranishëm pas salle.
Performanca e Trump erdhi vetëm pak orë pasi Sekretarja e Shtëpisë së Bardhë për Shtypin, Sarah Sanders refuzoi ta distanconte veten e saj nga vlerësimet e mëparshme të Trumpit se, media është “armiku” i popullit amerikan. E pyetur me këmbëngulje gjatë një seance informuese nga Shtëpia e Bardhë nga gazetari i CNN, Jim Acosta, mbi këtë çështje, por Sanders tha se Trump “e ka bërë të qartë pozicionin e tij”, shkruan “The Guardian”.
Më parë ekspertët e OKB-së kishin paralajmëruar se retorika e Trump mund të “rriste rrezikun që gazetarët të vihen në shënjestër të dhunës”, ndërsa vajza e tij, Ivanka Trump, tha se ndryshe nga babai i saj, ajo nuk “e konsideron median armikun e popullit “. (TemA TV)