Berisha nuk i ndahet përdhunimit dhe përdhunuesve, kur sot ka sulmuar përsër të afërmit e deputetit Rraja. Referuar mesazhit thuhej se djali i deputetit socialist Rraman Rraja, i cili akuzohet nga Berisha për përdhunim të një vajze, ka kërcënuar oficerin gjyqësor që ka hetuar çështjen.
Ndërsa sipas mesazhit të puplikuar policia ka fshehur ngjarjen, madje janë fshirë edhe pamjet filmike.
Sakaq, pas kësaj Policia e Tiranës gjenë kohë të merret me të marrin e FB dhe sqaron se si është e vërteta e trillimit.
Informacion sqarues nga policia:
Në lidhje me një status të publikuar në rrjetin social fb nga deputeti Sali Berisha, ku pretendohet se Policia e Tiranës ka fshehur një ngjarje, sqarojmë se Policia e Shtetit ka kryer të gjitha veprimet proceduriale.
Në datë 30.07.2018 u referuan materialet në Prokurorinë pranë Gjykatës së Shkallës Parë Tiranë për veprën penale “Kanosja për shkak të detyrës” në ngarkim të shtetasve R.Rr., 25 vjeç dhe R.Rr., 33 vjeç, banues të dy në Tiranë (të afërm të shtetasit Rr. R.,) pasi në rrugën “Sokrat Miho”, për shkak të detyrës kanë kanosur punonjësin e policisë, shtetasin E. N., 32 vjeç, banues në Tiranë.
Ngjarja nuk është mbajtur e fshehur, por është publikuar në faqen zyrtare të Policisë së Shtetit sipas procedurës standarde në datë 31.07.2018./Ekskluzive.al