Teknologjia zëvendëson edhe rojet e plazhit. Dronë të vegjël do të ngrihen nga plazhet dhe do t’u hedhin mjete shpëtimi personave që gjenden në rrezik mbytjeje në det.
Pas testimeve të para, përdorimi i dronëve në këtë fushë po përhapet me shpejtësi.
Në Itali, projektet e para do të prezantohen në nëntor në Sea Drone Tech Summit 2018, kongresi që i dedikohet përdorimit të dronëve dhe robotëve mbi dhe nën ujë.
Një version më i madh i dronit shpëtimtar do të jetë i pajisur me një gomone që fryhet, e cila do të përdoret në rast të mbytjes së mjeteve lundruese.