Mzati i Kamzës ka shprehur gëzimin që Presidenti Meta mori parasysh letrën që ai dhe Voltana i dërguan dje atij kundër projekteve të Bashkisë së Tiranës.
Në letrën e tij Mzati arguementonte se e ardhmja e Tiranës është e lidhur me Kamzën dhe se Tirana duhet të ketë moton: “Ta bëjmë Tiranën si Kamza”
Për këtë Mzati propozonte që Sheshit të Teatrit t’i vihet emri “Donald Trump” dhe vetëm pas kësaj aty mund të ndërtohen kulla, pasi Presidenti Trump gjithandej ndërton “Kullën Trump”.
Dhe Fusha duhet të ndërtonte “Kullën Trump”.
Por meqë Presidenti Trump nuk e njeh Bashkinë e Tiranës, por vetëm atë të Kamzës kjo nuk mund të ndodhë.
Mzati propozon po ashtu që Tirana të lyejë me blu pemët e Bulevardit kryesor dhe fasadat e ndërtesave duke i dhënë “Rrugës së Kavajës” emrin “Bulevardi Berisha”. Ky bulevard duhet të niset nga “21 Dhjetori”, (Ditlindja e Stalinit) dhe të përfundojë tek Sheshi “Skënderbej”.
Mzati propozon që Bashkia e Tiranës duhet të heqë dorë nga diegia e plehrave në Sharrë dhe duhet ta liberalizojë këtë veprimtari duke i hedhur ku të duan qytetarët, pasi është shkelje e të drejtave të njeriut t’u diktosh atyre ku do t’i hedhin.
E njëjta gjë mund të thuhet dhe për ujin. Uji është e drejtë themelore për njeriun dhe nuk mund ti detyrosh njerëzit ta blejnë deomos nga ujësjellësi, por mund ta marrin dhe vetë me investimet e tyre duke çarë tubot.
Një situatë po kaq dramatike është dhe me mbjelljen e pemëve vend e pa vend, pasi shumë fshatarë të ardhur në qytet nuk kanë ku kullosin më lopët, pasi poshtë pemëve të mëdha nuk mbin bari.
Së fundmi Mzati dhe Voltana i kanë sygjeruar Presidentit Meta të ndalet ndërtimi i Teatrit të ri dhe ndërtimi i kullave, se nuk mund të bëjë vaki që Tirana të ndërtojë kulla para Kamzës. Aq më tepër kulla. Nëse do Fusha mund të shkojë të ndërtojë Kulla në Kamëz dhe teatër në Shkodër, por jo në Tiranë.
Pas gjithë këtyre arsyeve të forta, Presidenti Meta u bind dhe nuk e dekretoi ligjin.