Nga: Romeo Kara
24 korriku erdhi shumë shpejt dhe më vuri në siklet lidhur më një hall të madh. Ç’hall do të thoni ju?! Prapë me halle ti?
-Po është ceremonia e Likes more. Do të inagurohet President, jo shaka.
Kam humbur ca kile kohët e fundit dhe kostumi im i vetëm që kam, më rrinte pak i madh. Nuk shkohet te Likja pa kostum thashë edhe pse bën pika e vapës. Ti vë ato kile që kam humbur prapë, që të më rrijë mirë kostumi, nuk kam kohë, e as para, kështu që mora vrapin te Edi rropaqepësi, jo te i gjati, por tek ai tjetri që është një rrumbullak si puna ime, dhe I lezeçëm si çdo shkodran, dhe e solla kostumin pas vetes. Je duke më lodh shumë me këtë kostum me tha, liro e shtrëngo dy herë në vit.
Më shumë do të të lodh i thashë, se do kemi sebepe këto kohët e fundit.
E bëri shpejt gati Edi kostumin, se ja ka marrë dorën atij, e hekurosi dhe ma dha. E pashë kostumin dhe i thashë: të kam kostum besnik, ke kaq vjet që nuk më ndahesh, prandaj e meriton të shkosh te Likja. Aty do të të hapin rrugë patjetër të gjithë kostumet e tjera, se ti padyshim je më i vjetri dhe ke parë më shume se ata. Eh ta dinë ato kostume se sa ke parë e dëgjuar ti more kostum vëllai. Nuk bëra asnjë shpenzim tjetër se helbete nuk duhet të bëhesha shumë i bukur dhe t’ia kaloja Likes. Me thënë të drejtën duhet bërë sakrificë e madhe në këtë drejtim që të rrish pas Likes. Po kur mendova se aty do jetë edhe Fahriu: ka edhe me keq se Likja. Në moment e kuptova: Likja e mban afër Fahriun se në krah të tij ndihet më i bukur. Likja kohët e fundit po mban afër edhe Daullxhiun se me të ndihet më i zgjuar. Është me huqe Likja, nuk rri dot me këdo.
Erdhi sahati por Likja nuk u kujtua të më çoje një ftesë mua dhe kostumit tim veteran.
Mirë me mua, po me kostumin ç’pati? Me marrsh të keqen e kostumit thashë. Kostumi im është më burrë se Lul Basha që është “kostum bosh” dhe më sederli se Kastriot Ismailaj që përdor gruan për të të çuar selam. Ah se harrova, asaj i ngeli selami rrugëve dhe meqë selami më gjeti mua, unë për inat të kostumit po ta çoj ty. Kostumi nuk erdhi, por selami patjetër që do të vijë.
– Selam nga Sava.
Kush është Sava do të thoni juve. Sava është mike e vjetër e Likes në të ngrëna e në të pira. Sava është gruaja e Kastriot Ismailajt në të mirë e në të keq. Mbi një milionë dollare iu sekuestruan Savës në bono thesari, por askush nuk e pyeti: ku i gjete moj Sava? Kërkush nuk zbatoi ligjin për Savën. E ç’i duhet prokurorisë me Savën. Po tani i duhet Savës të merret me ta. Si mundet që ata të lënë ne baltë Kaçin?! Si mundet ti konfiskohen paratë Kaçit? Si mundet ti hiqen nga duart 170 milione Euro Kaçit? Ai mezi e thuri intrigën e tyre në Vienë. Viena ishte kryevepra e tij, por nuk e lanë. Sa keq! Gjithe ajo punë e gjithë ai talent i shkuar dëm.
Por Kaçi është më i keq se Dritan Prifti. Kaçi ka mbajtur shënime, prova, sms dhe filmime që në krye të herës dhe nuk pranon ta shesin kaq kollaj. Pastaj Kaçi ka Savën, që po vuan aq shumë për të, duke bërë turizëm në Europë me paratë e pagjetura të CEZ-it apo të Kongos, apo të Priftit që siç thuhet e hëngri karremin dhe i dha para borxh Kaçit. Se mos vetëm Prifti.
Kaçi ka Savën që ngatërron dynjanë dhe të çon selam atëherë kur s’ta merr mendja.
Por çfarë thotë Sava?
Thotë: “Jam larguar nga Shqipëria, sepse pas arrestimit të bashkëshortit tim, Kastriotit, jam njerë e kërcënuar dhe e rrezikuar, jo siç deklaroi z.Braho, por nga pushteti, dmth nga njerëz te veshur me pushtet. Bashkëshorti im është arrestuar me të padrejtë dhe kjo tregon qartë se arrestimi i tij është ndikuar nga njerëz me pushtet. Çështjet per te cilat ai po hetohet janë madhore, janë çështje ku janë perfshirë dhe përfolur emra shumë të pushtetshëm të politikës shqiptare dhe une si bashkeshortja e tij kam ndjerë se ne si familje mund të jemi të rrezikuar nga presione të njerëzve të pushtetshëm që nuk do të donin që Kastrioti të sqaronte shumë detaje gjatë hetimeve që po kryhen ndaj tij”…”se Ilir Meta është një nga personat e interesuar që çështja CEZ të shuhej, kjo për shkak të aktivitetit të tij si ministër i jashtëm dhe si ministër i ekonomisë“…”se Ilir Meta i kërkonte Kaçit, pas uljes së çmimit të energjisë të bërë nga Meta përmes ERE-s, që Kaçi t’u kërkonte çekëve para, pasi ky veprim i Metës kishte bërë që ata të fitonin miliona”…” se ka sms që i provon këto si dhe presionin në 2010-11 që Kaçi ti jepte Metës para nga bizneset e tij për fushatat elektorale “…
Selami ka edhe xhevahire të tjera që i di Likja, por jo Gramozi që na e serviri për burrë të parë. Le që ç’faj ka Gramozi. Në Labëri dikur s’të jepnin as nuse po të mos ishe hajdut e jo me të të zgjidhnin kryetar.
Pranon Sava se kjo është çështje korrupsioni. Shyqyr që më dha një herë të drejtë mua. Lodhu ngjiru unë që ka korrupsion këtu. Po kujt ti thuash?! Po Savën e besojnë se është me parime.. Pa dashur ia ka futur pak vetes dhe Kaçit me këto që ka thënë. Ka pranuar korrupsionin duke u implikuar totalisht. Nejse ç’rëndësi ka kjo tani. Ç’faj ka Sava që trashet me lekët e kongolezeve dhe shqiptareve? Asnjë faj. Është detyrë patriotike t’ju tregosh vendin parave të shqiptarëve. Ja u tregoi Sudja e jo me Sava.
***
Sa keq qe u prish miqesia me Kaçin. Prej tij nuk do te vijë as Nano. Humbëm dhe rastin t’a bënim ceremoninë si qëmoti në Hotel Mandarin në Pragë. Sa mire i kishim punët atëherë.
Do vinte dhe Zeni aty e do rrinim për qejfin tonë. Meqë Kaçi nuk shkon dot te Likja, pse të mos shkojë Likja te Kaçi? Çfarë të keqe ka? Do e ketë këmbën e mbarë besoj edhe për lukuninë që ka pas. Se Likja është edhe bektashi si puna ime. Duhet t’a ketë parasysh thënien e Imam Aliut se: robit i pranohet lutja deri 60 vjeç. Prandaj po të shkojë sa më shpejt te Kaçi, mund t’a kapë trenin e fundit për në jetën tjetër.
Thone që: peshku qelbet nga koka. Po për ne çdo thonë vallë? A jemi kokëqelbur ne? Apo ca milione Euro, kuintale flori, mermer, fasone, pulari, droge, vrasje e ç’të të shkojë mendja, nuk na e qelbin kokën. Sa të kemi Gjykatën e Lartë ti marrë të keqen qelbi kokës. Pesë me zero ja bën.
Them me vete: sa pa fat ky kostumi im. Nuk pati fat nje here te qelbej ne ceremonine e kokes. Pse keshtu xhanem? Rri e mendoj; a do te isha bere koke valle nese:
– Do te isha nje topolak nga fshati;
– Te ecja qe i vogel si burre i madh apo si saje Isufi me gjunje te thyera;
– Te futesha ne parlament pa bere fare shkolle;
– T’ia u fusja te gjitheve pa perjashtim ne parti;
– Te martohesha me nje grifshe;
– T’i lidhja pipezat me Saliun;
– Te fryhesha perdite me Fahriun;
– Ta sistemoja pak floririn;
– Pak mermerin……….pak…pak…pak nga te gjitha.
– Te mbaj gjithmone nje bllok me vete;
– Te merrja vota majtas, por te qeverisja djathas, apo vetem per hesapin tim;
– Te krijoja nje sh.p.k politike qe t’ia leja ne cdo kohe gruas ne perdorim; – Etj, etj, etj,
Po ti kisha bere keto, kostumi sot do te ishte me i gezuar. Po populli mendoni ju? Eh c’rendesi ka populli. Rendesi ka uniteti dhe prej sot me kushtetute uniteti shkon tek Likja.
Nuk e beson? Lexo piken 1 te nenit 86 te Kushtetutes. E lexove? Rri tani dhe i pafsh hajrin Likes. Tani na ler te degjojme betimin.
Sa emocione do te kem kur Likja te thote si kryeburri i ketij shteti:” Betohem ne nderin tim te hajdutit…”. E papare. Ne letersi, fantazia e beri piratin papë.
Ne realitet ne beme kusarin, President dhe simbol te unitetit tone. Ne ia kaluam fantazise. Kesaj i thone, na bashkoi e keqja. Do ta lija rehat Liken, por ai e kaloi Rubikonin. Ishte kryetar LSI-je, s’e ngacmova. Kujt i prish pune se ke zgjedh nje bande per kapobande. Ishte kryetar kuvendi, prape s’e ngacmova. E meriton thashe. Nga te gjithe hajdutet aty, ai eshte me i zoti. Nuk gjen te dyte si ai.
Ç’ti bej une Likes qe do te behet president. Pak halle kishim qe te na e shtoje Likja edhe kete. Jo jo o Like. Te tera na i more por fytyren nuk na e merr dot. T’i kurre nuk do te jesh presidenti im dhe as i atyre qe kane nje fije nder. T’i s’mund te jesh kryekomandat i forcave te armatosura. Ti e ke bere me kohe zgjedhjen tende dhe ne tonen. Megjithate te keshilloj mos mbaj bllok persa kohe do te punosh ne presidence.
Dhe bere mire qe nuk me solle ftese, se nuk i ul dinjitetin kostumit une.