“Teatri” i ri, më në fund mund të quhet kombëtar! “Shtëpia” e re e artistëve, është konceptuar shumë më tepër seç mund të parashikonte gjithsecili prej nesh, dedikuar artit dhe kulturës, por edhe duke i shtuar hapësirën “banorëve” të asaj… artistëve dhe spektatorit.
Një nga studiot më të mëdha ndërkombëtare të arkitekturës në botë, “Bjarke Ingels Grop”, e cila ka prezantuar projektin, ofron një godinë të arkitekturës moderne, duke shfrytëzuar çdo centimetër të saj.
Me një dizajn krejtësisht modern, godina e teatrit të ri, është organizuar me dy pjesë, ku njëra i është dedikuar tërësisht administratës dhe aktorëve dhe pjesa tjetër publikut.
Të dyja pjesët ndërveprojnë mes tyre nëpërmjet sallës së madhe të teatrit, si edhe dy sallave “Black Box” krahë saj. Duke krijuar një tryptikë të vendtakimeve, bëhet e mundur që mekanizmi përpara godinës të jetë shumë i thjeshtuar.
Një hyrje e madhe ndahet midis tre sallave të performancës dhe nëse është e nevojshme, hapësirat mund të ndahen për shfaqje të shumta që ndodhin në të njëjtën kohë. Qarkullimi është gjithmonë i ndarë nga publiku. Punonjësit kanë akses nëpërmjet ashensorëve të tyre primarë dhe të mallrave, si edhe korridoreve private.
Aktorët qëndrojnë në një ndërtesë të ngjashme me atë të personelit administrativ. Sapo të hyjnë brenda, ata kanë dhoma zhveshjeje dhe zona të tjera mbështetëse pranë auditorit. Rrugët e dedikuara sigurojnë që ata kurrë nuk kalojnë në zonat ku kalon publiku, kur udhëtojnë ndërmjet reparteve të ndryshme dhe hapësirave të teatrit.
Për më tepër ndiqni videon mëposhtë:
