Një ngjarje e pazakontë ka ndodhur sot në portin e Durrësit. Në orën 3 e 30 e mëngjesit të sotëm, një anije siriane “Seascaner” me flamur regjistrimi të Sierra Leones, është larguar pa përfunduar procedurat ligjore dhe është larguar në lundrim në det të hapur. Report Tv ka zbuluar vendodhjen e anijes siriane që është larguar në orët e para të mëngjesit nga porti i Durrësit. Anija “Seascaner” po lëviz në det të hapur drejt Veriut, në orën 13:00 ndodhej në Dubrovnik, ndërsa rreth orës 21:00 në Rijeka, po në ujërat e Kroacisë.
Vendodhja e anijes siriane “Seascaner” ora 13:00
zbahis giriş
Vendodhja e anijes siriane “Seascaner” ora 18:00
Vendodhja e anijes siriane “Seascaner” ora 21:00 (Rijeka-Kroaci)
Edhe pas disa orësh në det vihet re se anija nuk e ka ndryshuar kursin dhe shpejtësinë, duke mos lënë të kuptohet se në cilin port do të
ankorohet.Anija shkarkoi 5 mijë ton të ngarkesës, më pas pati një problem me porositësit e kripës, pasi pjesa e tjetër e kripës ishte e përzier me qymyr nga ngarkesa e mëparshme e anijes. Nuk dihen rrethanat përse në orët e para të mëngjesit kapiteni dha urdhër të largohet nga Porti i Durrësit. Autoritetet nuk japin të dhëna të tjera për të mësuar portin nga është nisur kjo anije. Ajo u largua në orën 03:30 nga rada e portit pa njoftuar kapitenerinë.
Ky largim pa njoftuar ngre një sërë ndryshimesh se çfarë ka pasur tjetër në bordin e kësaj anije përveç ngarkesës së deklaruar. Në të shkuarën trafikanët e qenieve njerëzore kanë përdorur dhe vijojnë të përdorin mjetet e lundrimit për trafikun e refugjatëve. Autoritetet portuale shqiptare, kanë njoftuar portet e Italisë e Kroacisë që të bllokojnë anijen.
Drejtori i Përgjithshëm detar Paulin Ndreu: Konflikti për 500 tonë kripë, u njoftua policia bregdetare
Ndreu ka thënë se anija është duke u monitoruar nga autoritetet shqiptare dhe shërbimet e vendeve partnere.
Mbrëmë rreth orës 03:00 e mëngjesit është larguar nga rada e portit Durrës pa njoftim dhe pa leje anija Seascaner me flamur Sierra Leone. Ajo kishte sjellë kripë në Durrës më dt 26.06, sasi 6 mijë Ton, pas shkarkimit të sasisë 5500 Ton, kanë hyrë në konflikt pasi pjesa 500 Ton, ka rezultuar e përzier me qymyr dhe pritësi i mallit ka refuzuar ta marrë. Në këto kushte të konfliktit Civil kanë ndërhyrë studio ligjore për zgjidhjen e mosmarrëveshjeve civile për mallin. Për të mos penguar shkarkimin e anijeve të tjera që prisnin anija “Seascaner” ka dalë në radë të portit Durrës.
Megjithë dialogun e zhvilluar nga përfaqësuesit ligjorë të dy kompanive, nuk kanë rënë dakort për sasinë e mbetur 500 Ton. Mbrëmë rreth orës 03:30, anija “Sea Scaner” pa njoftim dhe pa plotësuar asnjë dokument është larguar nga Rada e Portit Durrës. Kapiteneria ka njoftuar policine e kufirit dhe rojen bregdetare si dhe kapiteneritë e vendeve të rajonit. Anija është në rrugëtim nëpër veri në detin Adriatik. Jemi në kontakt me vendet partnere dhe po e monitorojmë lëvizjen e saj.