Presidenti i SHBA-ve, Donald Trump do të mbajë sot fjalimin e tij të parë të madh përpara liderëve të biznesit dhe politikës globale në Forumin Ekonomik Botëror në Davos, Zvicër.
Sipas mediave të huaja, ai do të fillojë të flasë në orën 16:00 me orën e Mbretërisë së Bashkuar, por ende nuk është e qartë se çfarë do të diskutojë.
Rreth 60 krerë shtetesh mendohet të jenë në Davos, mes të cilëve edhe kryeministri Edi Rama.
Forumi Ekonomik Botëror ka qenë një përkrahës kryesor i konsensusit ekonomik liberal dhe globalizimit, nën kërcënimin e drejtpërdrejtë nga mandati i dytë i Trump.
Instinktet e tij nacionaliste janë shfaqur plotësisht që kur ai mori detyrën të hënën, duke shtypur emigracionin dhe duke kërcënuar se do të vendosë tarifa të larta ndaj Bashkimit Evropian, Kinës, Meksikës dhe Kanadasë.
Trump po lëviz gjithashtu edhe në disa drejtime të tjera, ç’ka përbën në tërësi një ndryshim thelbësor të politikës amerikane.