Ish-këshilltari i Donald Trump, John Bolton, që Trump e quajti “tuhaf” vetëm pak ditë më parë, thotë për televizionin shqiptar A2, se gjatë administratës së re të Trump, ish-kryeministrit Sali Berisha mund t’i hiqet masa “non grata”.
Gazetarja: Gjatë administratës Biden, ish-presidenti dhe ish-kryeministri i Shqipërisë, tani lider i opozitës, Sali Berisha, u shpall “non grata”. A mendoni se administrata e re Trump mund ta anulojë këtë vendim?
John Bolton: Kjo është absolutisht e mundur. Administrata Trump ka bërë shumë për të përmbysur vendimet e administratës Biden. Ky mund të jetë një prej tyre. Megjithatë, nuk kam dëgjuar ende asgjë për këtë.
Presidenti Donald Trump bëri publike një listë njerëzish që nuk do t’i bashkohen Shtëpisë së Bardhë këtë herë para marrjes së detyrës së tij, dhe mes tyre ishte pikërisht dhe Bolton i cili flet broçkulla sepse dënimi është i formës ligjore dhe nëse Trump do bënte një dekret presidencial për të dënuarit me sanksione nga administrata e Biden, atëhere ky dekret do përfshinte 160 persona, gjë që as nuk mund ta imagjinoi kush që mund të ndodh.
Ndaj është mëse e drejtë ajo që deklaronte pak ditë më parë Trump për ish këshilltarin e tij Bolton:
“Ne do ta BËJMË AMERIKËN TË MADHE SËRISH, dhe kjo do të ndodhë shumë shpejt! Për të kursyer kohë, para dhe përpjekje, do të ishte e dobishme që të mos na dërgoni ose të mos na rekomandoni njerëz që kanë punuar me ne, ose janë mbështetur nga: “Amerikanët për mosprosperitet” (drejtuar nga Charles Koch), “tuhafi” John Bolton, “trupeshku” Nikki Haley, Mike Pence, luftënxitësit e pabesë Dick Cheney dhe vajza e tij, Liz “psikopatja”.
Mitt Romney, Paul Ryan, Gjeneral(?) Mark Milley, James Mattis, Mark Yesper ose çfarëdo individi tjetër që vuan nga “Sindroma e obsesionit ndaj Trump-it,” e njohur më mirë si TDS. Faleminderit për vëmendjen ndaj kësaj çështjeje”, shkruajti ai.