Robert Goro gazetar në Athinë dhe votues për herë të parë në këto zgjedhje si shtetas shqiptar në emigracion, thotë se diaspora ndjehet e ofenduar nga akuzat se po tentohet të blihet në këto zgjedhje.
I ftuar në emisionin Dekalog nga Roland Qafoku në Dritare TV zoti Goro u shpreh se: “Nuk e di se kush guxon të dalë e të thotë që emigrantët po tentohen të blihen në këto zgjedhje ndaj dua të them se kjo është një fyerje e rëndë për të gjithë shqiptarët që jetojnë jashtë dhe votojnë për herë të parë në këto zgjedhje.
Shqiptarët që jetojnë nëpër botë i zbardhin fytyrën vetes por edhe vendit nga vijnë. E së dyti duke lexuar edhe rregulloren e KQZ nuk mu duk asnjë hapësirë për të manipualuar votën apo për të cenuar sigurinë e votës.
Kjo është një alibi për njerëz që nuk kanë asnjë lloj qytetarie, një alibi për partitë politike që humbin pa shkuar në betejë, por nëse duam vërtetë që vota jonë të ketë ndikim duhet të regjistrohemi dhe të votojmë.
As nuk mund të blejë njeri 1 milionë shqiptarë, as nuk mund t’i manipulojë”.