Sekretari i Përgjithshëm i Partisë së Lirisë, Tedi Blushi, foli për protestën e mbajtur këtë të premte nga partia ku ai bën pjesë para dyerve të SPAK.
Blushi zbuloi qëllimin e protestës, ndërsa theksoi se shqiptarët duhet ta refuzojnë SPAK-un, pasi sipas tij, është drejtësi me regji.
Por, edhe ai vetë e pranoi se në protestë nuk iu doli njeri
“Qëllimi i protestës ishte nisja e një procesi të pandalshëm të desorosifikimit të drejtësisë, që është kthyer sot në të vetmen patericë të këtij narkoregjimi. Më e rëndësishme sesa pjesëmarrja, unë do të vlerësojë mesazhet që u dhanë në atë protestë.
Ka ardhur koha që populli shqiptar të refuzojë një drejtësi me regji, e cila personifikohet për fat të keq nga një strukturë, e cila u ngrit për t’i dhënë fund pandëshkueshmërisë, por u shndërrua në një strukturë që sot garanton imunitetin politik për të gjitha krimet e shëmtuara financiare, ekonomike, të kësaj qeverie.
SPAK-u është kthyer sot në një pistoletë në duart e Edi Ramës për të vrarë opozitarizmin në vend”, tha Blushi në A2.