Edhe pse Ilir Meta e akuzon se e ka marrë më qafë, madje jo më larg se sot, Monika Kryemadhi thotë se ai në fakt, nuk ka thënë ashtu siç është raportuar në media.
Kryemadhi ndër të tjera, ka sulmuar dhe gazetën TemA, me pretendimin se SPAK e ka futur në burg Metën, nisur nga shkrimet e gazetës sonë.
“Nuk ka thënë ashtu, Meta në letrat që ia paraqita gjyqtares i bie automatikisht çështja e deklarimit të pasurisë.
Aty ku thuhet që Meta ka bërë një operacion në Vjenë, prokuroria ka quajtur shkelje ligji diferencën që nuk është deklaruar, që ishte brenda ligjit.
SPAK ka gënjyer për pagesat. Mirza Alibeaj ka paguar për veten e saj, jo për Metën. Këto janë dy faktet që akuzohet, gjithë të tjerat për deklarimin e pasurisë kanë të bëjnë me mua.
Çështja e deklarimit të pasurisë është 0, ka rënë. Në letërporosi që ka ardhur nga Çekia nuk ka fjetur me Kastriot Ismailajn.
Gjithë mediat e thonë. Në fashikujt e prokurorisë dalin këto tituj nga gazeta TemA dhe portalet, që kanë fjetur bashkë”, tha ajo.
“Lidhur me pretendimet për mosdeklarime të shpenzimeve, i konsideroj tërësisht tendencioze. Së pari, nuk mund të mbaj unë përgjegjësi për çdo shpenzim apo pakësim llogarish të familjarëve të mi apo edhe të ish-gruas dhe ish-vjehrrës time.
Së dyti, siç e kam shpjeguar në SPAK me plotësimin e formularëve të pasurisë merrej ish-bashkëshortja ime , e cila i ndiqte edhe me avokat edhe me noter të gjitha veprimet, edhe për arsyen se shumica e pronave dhe rrjedhimisht llogarive bankare ishin të saj dhe i ndiqte ajo. Unë kam qenë në mirëbesim të plotë se ajo çdo gjë e bënte sipas ligjit”, tha Ilir Meta në mbrojtjen e tij ditën e sotme, duke akuzuar kështu pikërisht ish-bashkëshorten e tij.