Juristi Romeo Karaj ishte ai që e kallëzoi Ilir Metën për aferën CEZ-DIA një vit më parë. Qëkur është denoncuar Meta, shpeshherë e ka sulmuar juristin, duke thënë se është i dënuar për dhunë në familje e për shpifje.
Edhe në letrën e dy dite më parë, Meta tha të njëjtën gjë. I ftuar në në Dritare TV, zoti Karaj i përgjigjet akuzave të Metës.
Juristi thotë se Meta e sulmon atë personalisht sepse nuk sulmon dot argumentet e ngritura kundër tij.
“Ilir Meta aty e ka maçokun tek emri im sepse i kam dalë përballë. Ai burracak ka qenë gjithmonë përballë meje se e njoh që i vogël.
Por e ka harruar kur më vlerësonte. Kur nuk sulmohet argumenti, sulmohet argumentuesi. Unë e siguroj gjithë popullin që nuk jam i dënuar.
Unë kam publikuar edhe dëshminë e penalitetit. Por Likja nuk është nga ata persona që e njeh argumentin. Pastaj çfarë pret nga një njeri që nuk i ka lënë kusur familjes dhe gruas së tij.
Ai është njeriu më burracak që njeh Shqipëria. Edhe mos i kishte bërë vetë, ai mban përgjegjësi për gruan edhe fëmijët.
Me mendjen tij ai do i çojë në burg edhe fëmijët sepse i futi në biznese të çmendura imobiliare edhe ata. Ai e ka ditur që unë e kam kapur aty ku nuk lëviz më.
Janë 4-5 raste me njerëz të detyrës, spiunë, ordinerë, që dalin edhe nëpër televizione, mercenare, që nga Meta e tek Ambasada ruse që vinin për të marrë vesh çfarë thosha unë edhe jashtë prononcimeve publike.
Kanë gërmua minjtë e tij dhe të Berishës, nuk kanë gjetur gjë dhe janë çmendur së unë jetoj si asket. Unë jetoj si shqiptarët e tjerë, me punën time”, tha ai.