Avokati Ylli Manjani ka reaguar ndaj komenteve se Gjykata e Strassburg ka quajtur legjitime përgjimet e Enchrochat.
Në një postim të tij ndaj këtyre komenteve Manjani thotë se mediat në Shqipëri kanë nxituar të raportojnë titullin bombastik “Strasburgu pranon Sky dhe Enchrochat” dhe, në mungesë totale profesionalizmi nuk citojnë as vendimin përkatës.
Në injorancë të plotë, sugjerojnë gjera që vetë vendimi i Strassburg nuk i thotë. Përkundrazi ai vendim thotë krejt të kundërtën e atyre që raportojnë gazetarët tanë dashakeqës dhe injorantë!
**
Tani që të sqarojmë situtaën, Strassburg ka shqyrtuar një ankesë të dy shtetasve britanikë që janë arrestuar në Britani për vepra penale, indiciet e të cilave kanë dalë nga Enchrochat.
Ankesa në thelb kërkonte të drejtën e privatësisë. Ankuesit ngritën çështjen me ç’të drejtë një shtet tjetër na përgjon?”
Strassburg ka thënë që këtë të drejtë shtetasit britanikë duhet ta kërkojnë në shtetin e vet ose edhe në shtetin francez. Të dyja këto shtete kanë instrumenta ligjorë të plotë që ofrojnë mbrojtje.
Strassburg ka thënë se ligji Francez ofron mbrojte të plotë për këto raste. Gjithashtu Strassburg ka thënë se ankuesit duhet të kërkonin papërdorshmërinë e këtyre të dhënave në gjykatën Angleze.
Fiks këtë gjë po kërkojmë ne në procesin tonë këtu!!!
Tani si e ka pranuar Strasburgu ligjshmërinë e Sky dhe Enchrochat?! Di njeri të na e spjegojë?!
Bahhh çfarë shpifësish mediatikë!
Bahh cfarë helmi!
Bah çfarë injorance e dashakeqësie!
E pafalshme për një gazetari raportuese. Gazetaria komentuese është tjetër gjë, por nuk mund të raportosh të zezën për të bardhë dreqi e mori!