Në Bashkimin Europian marrëvëshja midis Italisë dhe Shqipërisë për emigrantët është në skaner, jo për cilësinë por më shumë për të parë mundësinë e implementimit të saj nga ana e shteteve të tjera.
Pak ditë më parë, Presidentja e Komisionit Europian Ursula von der Leyen e cilësoi atë si një marrëveshje për tu marrë si shembull dhe të cilën vende të BE mund ta implementojnë në raste të tjera.
Por mesa duket protokolli i firmosur midis shqipërisë dhe italisë nuk i pëlqen presidentit Francez Emanuel Macron aq sa për tu cilësuar si një shembull.
Gazeta La Reppublica, citon shefin e Elizesë të ketë thënë se nuk ekziston një model Itali-Shqipëri për emigrantët në nisje të një mbledhje të rëndësishme të BE.
Tema e emigrantëve ka përfshirë fortë liderët në BE dhe ka sjellë qëndrimet të forta të kundërta të shteteve të unionit në lidhje me temën.
Deklarata e Macron, më shumë sesa një kritikë ndaj marrvëshjes, sipas gazetës italiane është një frenim që Macron kërkon ti bëjë Melonit si një lidere e cila mund ti prijë debatit në union.