Ethet e Botërorit kanë përfshirë fuqishëm shumë tifozë duke i çuar ata të marrim edhe vendime drastike për jetën.
Jo më shumë se para tre ditësh mësuam se një tifoz i çmendur i Messit ishte zhdukur pas humbjes së thellë të Argjentinës me Kroacinë.
Menjëhërë pas përfundimit të ndeshjes, Dinu Alex, 39-vjeç nga Irani është zhdukur dhe të fundit që e kanë parë kanë qenë prindërit e tij gjatë kohës kur po transmetohej ndeshja.
Dyshohej se tifozi ka kryer vetvrasje pasi para se të zhdukej ai ka lënë një letër ku shkruhej: “ Nuk kam më asgjë për të parë në këtë botë, po shkoj në thellësi”. Trupi i tij është gjetur pas tre ditësh në lumin afër shtëpisë së tij.
Alex, nuk ka luajtur futboll, por i ka ndjekur ndeshjet e ligave të mëdha dhe ka qenë tifoz i flaktë i Messit. Ai punonte si llogaritar në një firmë private dhe u kishte thënë kolegëve para ndeshjes se Argjentina do të fitonte dhe se heroi i tij do të shënonte.
