Avokati Idajet Beqiri komentoi dënimin e Ervin Salianjit me 1 vit burg. Sipas tij ajo që ka bërë Salianji me dosjen Babale është një inskenim i turpshëm dhe që duhej dënuar.
“Ti je qytetarë ke kryer një krim ordiner, e bëre ti atë politikë. Sot the që sakrifikova për PD. Ti për PD doje të hiqje të hiqje ministrin e Brendshëm me një montazh, more stilolapsin e praktikove Babalen aq kohë në zyrë.
I gjete bashkëpunëtor atë Alizotin. E ke marrë 400 herë në telefon si do bënte ndryshimin e zërit, i afrove 300 mijë euro dhe do t’i jepte partia jote.
Krim në kuptimin e vërtetë të fjalës makabër. Akt i turpshëm. Si nuk u skuqet faqja. Dalin sikur kanë bërë heroizëm dhe sikur po venë në majën e lartë të piramidës. Akt i turpshëm”, tha ai për Report TV.
Sipas Beqirit, Salianji duhej të pendohej dhe ti jepej më pas dënimi me kusht.
“Qysh qenka vendim i fortë? Jemi të barabartë. Ke bërë një akt të dënueshëm.
Të sajosh prova dhe fakte dhe mbi këto bazë të bësh një kallëzim të rremë me montazh me zë dhe me të gjitha që të rritesh në karrierë që të kandidojë partia jote për ministër të Brendshëm dhe të jesh kandidati për kryeministër nesër.
Ta bëjnë thjeshte se je kushëri i parë i ilir Metës. Ky bandit dhe pse i ri fut veten e vet në qorrsokak. Pendohu o zotëri, sepse e bëre këtë krim. Që të jepet dënimi me kusht. Nuk të fut njeri në burg. Ditë për ditë kemi për kallëzim të rremë në burg”, tha ai.