Golat e Granit Xhakës dhe Xherdan Shaqirit lumturuan të madh e të vogë. Jo vetëm në Zvicër, por dhe në Shqipëri e Kosovë. Shqiponja e tyre që fluturoi mbi Rusi përpara fytyrës së serbëve ishte një emocion i madh për të gjithë. Futbolli nuk ka lidhje me politikën, ama prej mishi dhe gjaku jemi. Urrehemi, troç!
Granit Xhaka dhe Xherdan Shaqiri janë dy nga lojtarët që mund të përfaqësonin Shqipërinë, por si gjithmonë Zvicra u tregua më e shkathët, ndërsa Federata Shqiptare e Futbollit arrin të “bindë” vetëm ata që nuk merren nga skuadra helvete. Të dy janë pikasur që heret me talentin e tyre, por në Shqipëri skautët flinin. E dini pse? Se radha e listave ishte e mbushur me ata që jepnin lekë.
Po, po, e dimë si funksiononte dhe funksionon ende. Të fortët dhe “parelinjtë” imponojnë afrimin në Kombëtare të fëmijëve të tyre duke lënë jashtë ata që kanë vërtetë talentë. Ky ishte një sistem i ngritur nga “don” Duka dhe injorantët e punësuar rreth FSHF-së. Kemi humbur shumë talente, e nëse do të ishim të aftë mbase do të ishim ne në Europian tani.