Rreth 3000 anëtarë të grupit libanez Hezbollah kanë mbetur të plagosur rëndë dhe 15 prej tyre kanë vdekur, për shkak të një shpërthimi njëkohësisht të mijëra radio-lidhjeve (lloj ”pagers”, tip mini-celulare), të cilat i përdornin për të komunikuar. Shpërthimet ndodhën njëkohësisht në Bejrutin jugor dhe disa zona të tjera të Libanit të martën pasdite (17 shtator). Burime e sigurisë libaneze e kanë raportuar këtë.
Zëdhënësi i qeverisë libaneze bëri përgjegjës Izraelin për shpërthimet e ‘pagerit’ dhe e konsideron atë një shkelje të sovranitetit libanez.
Një burim tjetër ka pretenduar se ishte një “shkelje izraelite” e komunikimeve. Gurpi i Hezbollah ishte furnizuar së fundmi me pajisjet e komunikimit dhe dyshohet se shërbime sekrete izraelite i kishin manipulur, duke vendosur brenda secili një sasi eksplozivi, të cilën e kanë aktivizuar pastaj njëkohësisht nëpërmjet një kodi.
Çdo anetarë i grupit libanez të Hezbolahh e përdor këtë lloj pajsie për të marrë mesazhet nga eprorë apo nga familjarë.
Ambasadori iranian në Bejrut, Mojtaba Amani, mbeti i plagosur pas shpërthimit të ‘biperit’ (mjet i komunikimit të grupit libanez Hezbollah) në Liban dhe “aktualisht është nën kujdesin e mjekëve në spital”.
Sipas mediave një nga hipotezat mund të jetë që Shërbimet sekrete izraelite mund të kenë kapur një stock të këtyre pajisjeve të destinuara për Hezbollahun dhe mund të kenë fshehur eksploziv brenda tyre, në mënyrë që të mund të kontrollojnë nga distanca shpërthimin.
Grupi libanez mund t’u ketë dhënë anëtarëve të tij pajisjet si një mjet për të shmangur komunikimet telefonike, të cilat përgjohen lehtësisht, dhe kështu padashur kanë bashkëpunuar me planin izraelit.