Në ditën e fundit të merkatos ka pasur një vals të sulmuesve kuqezi. Armando Broja është huazuar për një sezon nga Chelsea tek Everton në Premier League. Nedim Bajrami la Italinë për t’iu bashkuar gjigandëve skocezë të Rangers ndërsa Seferi do luajë në Turqi.
‘Valsi’ i sulmuesve kuqezi, Broja huazohet tek Everton! Bajrami firmos me gjigandët skocezë ‘Rangers’! Seferi tek Bodrumspor, Stiven Shpendi tek CarrareseArmando Broja, Taulant Seferi, Stiven Shpendi dhe Nedim Bajrami
Andi Kapxhiu
Merr fund telenovela Armando Broja. Sulmuesi i Kombëtares është huazuar nga Chelsea tek Everton dhe deri në fund të sezonit të ardhshëm do të luajë po në Premier League tek klubi nga Liverpool. Everton ka “djegur” konkurrencën e Ipswich Town në minutat e fundit të merkatos dhe ka zyrtarizuar afrimin e sulmueist kuqezi. Mediat bëjnë me dije se Chelsea e ka huazuar Brojën por Everton ka opsion që mund ta blejë përfundimisht për 30 mln paund.
Ndërkaq gjigandët skocezë të Glasgow Rangers kanë zyrtarizuar afrimin e Nedim Bajramit që ka nënshkruar një kontratë afatgjatë. 25-vjeçari shqiptar autori i golit më të shpejtë në kampionatet Evropianë largohet nga Sassuolo dhe do të nisë aventurën në Skoci për të cilën vetë thotë se është shumë entuziast. Mesfushori shqiptar mezi pret të nisë nga puna dhe sqaron se kjo ishte lëvizja e duhur për vijimin e karrierës së tij.
Skuadër ka ndryshuar edhe sulmuesi tjetër Taulant Seferi që për tre vitet e ardhshme do të jetë pjesë e Bodrumspor në Superligën turke. Valsi i sulmuesve kuqezi në ditën e fundit të merkatos mbyllet me huazimin e Stiven Shpendit për një vit nga Empoli tek Carrarese në Serinë B aty ku luan edhe vëllai i tij binjak Cristiani me Cesenën.