Dinamo Zagreb, skuadra e sulmuesit të Kombëtares kuqezi, Arbër Hoxha, ka arritur kualifikimin për në fazën e ndeshjeve në grupe të Champions League.
Skuadra kroate ka eliminuar në “play-off” kundërshtarin nga Azerbajxhani, Qarabag, pjesë e të cilës është edhe kurbinasi Redon Xhixha, që e ndoqi ndeshjen nga pankina.
Pasi fitoi 3-0 në ndeshjen e parë, ekipi kroat i Dinamo Zagbrebit triumfoi edhe në sfidën e dytë 2-0. Sulmuesi Arbër Hoxha u aktivizua në këtë ndeshje në minutën e 84-t, kurse në duelin e parë ishte titullar.