Ngjarja e dhimbshme e Pogradecit ka të zbardhur dinamiken e dokumentuar sipas personave të pyetur nga policia dhe urgjenca në momentet që ndodhi. Dinamika hedh poshtë disa të pavërteta që po kthehen në mit në opinion publik, fal përpjekjeve për të përdorur politikisht ngjarjen.
E vërteta është se viktima ka qene i pire dhe ka vajtur tek lokali ku ka ndodhur ngjarja, për te pire përsëri. Fillimisht është thënë që viktima ka një lokal të vetin dhe vrasësi i ka vënë gjobë. Asgjë nuk është e vërtet nga këto dhe kjo është e rëndësishme të thuhet tani që ngjarja është zbardhur.
E vërteta është se tek lokali kane qene jashtë autori me dy te tjerë edhe këta te pire.
Pra agresori ka qenë i shoqëruar dhe i pirë. U tha se e ka ndjekur nga pas për ti marrë xhiron e ditës. Ende nuk ka ndonjë fakt nëse viktima ka pas xhiro dite me vete. Shpikja e këtij fakti e ka bërë dhe më të ndjeshme situatën.
E vërteta është se viktima është ulur brenda lokalit ku ka qene dhe një shtetas vetëm, edhe ai duke pire. Raportohet nga media se ky është i afërt me viktimën, por ia nuk ka asnjë rol në ngjarje përveçse është përpjekur ti jap ndihmë viktimës. Fakti që nuk ka dhënë shumë detaje rreth sherrit mund të lidhet me faktin që i ka parë të dyja palët të dehur.
E vërteta është se viktima fillimisht është ulur tek personi brenda duke pire dhe ka ngacmuar këta tre shtetasit qe kane qene duke pire jashtë.
Pra sherri ka nisur nga ngacmime mes të dehurish, mes dy palëve që kanë qenë të pirë. Dhe kjo është e rëndësishme të thuhet dhe të mos krijohen teori konspiracioni mbi mënyrën si ka filluar sherri. Ka filluar si sherr mes të dehurve.
E vërteta është se autori i vrasjes është ngritur nga tavolina e tij dhe ka vajtur tek viktima per ta sqaruar se çfarë kishte, ndërkohë viktima e ka share përsëri.
Në publik është thënë se ai e përndoqi atë sapo doli nga dyqani dhe i ka kërkuar lekët e ditës. E vërteta është se pas fjalosjes brenda autori i ka kërkuar te dali jashtë e te sqarohen dhe kur kane dale jashtë autori e ka goditur duke i shkaktuar vdekjen.
Edhe këtu ka shumë spekulime nëse e vrau me një grusht apo me tre a më shumë. E vërteta është që ai e ka vrarë dhe përveç goditjeve të tij duken llogaritur dhe goditjet e dëmtimit kur është rrëzuar. Askush nuk po thotë që nuk e vrau ai.
Kjo dinamikë vrasjeje gjendet në dosjen e policisë që i janë referuar prokurorisë. Urgjenca po ashtu ka të dokumentuar cdo detaj që ka nga koha që ka marr thirrjen.
Pastaj prokuroria ka bërë vlerësim vrasje pa dashje dhe gjykata I ka mbajtur ison prokurorisë.
Nëse ka diçka për tu revoltuar këtu është shumë e thjeshtë. Prokurori, Gjykatësi dhe OPGJ të hetohen deri në fund, të merren kontaktet e tyre pas fillimit të hetimeve dhe të shikohet kush ka ndikuar tek ky vendim.
Pëprjekje për të bërë politikë bazuar mbi gënjeshtra e bën dhe më të dhimbshme tragjedinë e familjes dhe më të vështirë zbardhjen e së vërtetës. E vërteta e thjeshtë është që drejtësia ka relativizuar vrasjen dhe ka priodhuar një debat publik duke e zhvendosur fokusin nga përgjegjësi e saj tek policia dhe urgjenca, thjeshtë për te shmangur përgjegjësinë.