Elvis Naçi sëbashku me këngëtarin shqiptarin, Sidrit Bejleri kanë nisur një fushatë mediatike ku bëjnë bamirësi për njerëzit në nevojë.
Duke qenë se aktiviteti i tyre humanitare ka shumë dashamirës dhe përkrahës, në media u fol që kjo përkrahje ishte projektuar nga opozita, si aset i tyre, që duhej përdorur, sepse po sipas mediave imami ishte njeriu i Shkëlzen dhe Argita Berishës të cilët ishin dhe financuesit e fshehur për t’i rritur reputacionin imamait Naçi.
Ishte Bledi Mane që njoftoi se kishte informacion të sigurtë për taktikën skandaloze të opozitës për të kandiduar një drejtues feje për postin e kryebashkiakut të Tiranës.
Pas reagimeve dhe diskutimeve në mediat on-line dhe rrjete sociale, Elvis Naçi ka reaguar në një status ku ka thënë se nuk ka ndërmend të merret me politikë deri në fund të jetës së tij.
Ja statusi i Elvis Naçit në Facebook:
“Nuk jam marre ndonjehere me Politike dhe jam i vendosur te mos merrem deri ne diten e fundit te jetes, kam nje pasion dhe dashuri te madhe kur shpjegoj kush eshte Krijuesi i Gjithesise dhe sa kam mundesi do perpiqem gjithmone per ta bere Shqiptarine me te begate dhe me te bukur! Paqe dhe miresi uroj per njerezit e mire”, shkruan Naçi, që u bë i famshëm për deklaratën se femrat nuk duhet të shëndoshen, ndryshe burrat kanë të drejtë t’i tradhtojnë/Ekskluzive.al