Klubi i Çelsit kishte harruar se Broja ishte pjesë e tij kur u uroi fat lojtarëve të klubit londinez që merrnin pjesë në Euro 2024.
Por me ndeshjen e parë të Shqipërisë ndaj Italisë, i ka kushtuar një artikull të gjatë sulmuesit shqiptar në faqen e vet të internetit, duke u ndalur te paraqitja e tij.
Armando Broja u nisi duke luajtur në sulm ndeshjen e parë të Shqipërisë në Euro 2024, por e kishte të vështirë të ndikonte në treçerekun e fushës pavarësisht se punoi shumë për ekipin, i cili pësoi një humbje 2-1 ndaj fituesve në fuqi të Italisë.
Dihej që do të ishte një detyrë e vështirë për Shqipërinë që të shkaktonte tronditjen e parë të turneut kur u ndeshën me kampionët e Europës në fuqi, Italinë, në ndeshjen e tyre hapëse dhe përfundimisht iu dorëzuan presionit italian, pavarësisht se morën një epërsi të papritur.
Armando Broja kryesoi linjën ofensive si sulmuesi qendror i Shqipërisë, duke bërë paraqitjen e parë në ndeshje zyrtare për vendin e tij që nga Liga e Kombeve e vitit 2022, pasi kishte humbur të gjithë fushatën kualifikuese për shkak dëmtim. Ish-mesfushori i Çelsit, Zhorzhinjo, ishte në skuadrën e Italisë.
Brenda stadiumit të Dortmundit kishte një prani të fortë shqiptare dhe nuk duhej të prisnin gjatë për të festuar. Një hapje e pabesueshme e ndeshjes pa Shqipërinë të kalonte në epërsi shokuese, duke ndëshkuar një gabim në mbrojtje të Italisë që në minutën e parë.
Rivënia e rrezikshme e Federiko Dimarkos u rrëmbye në zonë Nedim Bajrami goditi në këndin e sipërm në shtyllën e afërt, për t’i dhënë Shqipërisë një fillim ëndrrash në Euro 2024. Me vetëm 23 sekonda të kaluara, ky ishte goli më i shpejtë në historinë e Kampionatit Europian.
Megjithatë, epërsia e tyre rezultoi jetëshkurtër, pasi Italia i barazoi gjërat në minutën e 10, kur Alesandro Bastoni shënoi me kokë në krosimin e Lorenco Pelegrinit në shtyllën e dytë pas një goditje nga këndi. Pesë minuta më vonë, italianët kishin kaluar vetë në epërsi, me një gjuajtje të shpejtë të Nikolo Barela nga kufiri i zonës.
Roli i Brojës tani dukej se ishte vendimtar, duke përdorur ritmin dhe fizikun e tij në kundërsulm, siç ishte e qartë kur Pelegrini mori kartonin e parë të verdhë të lojës për një faull cinik për të parandaluar sulmuesin të shpërthente në të majtën.
Megjithatë, atij iu dha shumë pak gjë me të cilën të punonte, pasi Italia dominonte topin gjatë gjithë kohës, duke e lënë Shqipërinë t’i ishte mirënjohëse disa pritjeve të mëdha nga portieri Thomas Strakosha për të mbajtur diferencën e një goli deri në pushimin e ndeshjes.
Broja vazhdoi të ishte një vrapues i gatshëm dhe dukej më i mundshmi për të bërë diçka në pjesën e dytë, siç tregohet kur një tjetër italian, Rikardo Kalafiori, u ndëshkua për tërheqjen e numrit 11, megjithëse Armando mori gjithashtu një karton të verdhë për reagimin e tij.
Kjo shfaqje zhgënjimi përmblodhi pjesën e mbetur të lojës për Shqipërinë dhe Brojën, pasi ata e gjetën Italinë një kundërshtar shumë të vështirë për t;u çarë. Ishte 2-1 kur Broja u zëvendësua me 15 minuta të mbetura, dhe kështu qëndroi deri në fund.