Takimi i kryeministrit Edi Rama me shqiptarët që jetojnë e punojnë në Greqi është përcjellë me vëmendje nga mediat kryesore greke.
Nga “Kathimerini”, “Protothema”, “CNN.gr”, “Mega”, “Skai”, “Zougla” e më gjerë shkruan për tubimin që u zhvillua me praninë e flamujve kuqezi në të gjithë arenën.
Duke cituar deklaratën e Ramës “nuk kam ardhur të provokoj” dhe me videon e stadiumit të mbushur me flamuj kuq e Zi, “Protothema” shkruan në faqen e saj të parë se stadiumi i ‘Galatsit’ u mbush me njerëz dhe flamuj.
Ndërsa Edi Rama, citon media greke “Protothema” ka hyrë në sallë nën tingujt e himnit kombëtar shqiptar dhe është duartrokitur nga turma duke brohoritur “Edi, Edi”.
Mediat greke njëzëri të gjithë shkruan duke cituar kryeministrin shqiptar se nuk ishte në Athinë për të provokuar, por për të takuar bashkëkombësit e tij.
“Në fjalën e tij, shkruan “Protothema”, Rama theksoi se pavarësisht tensioneve mes dy vendeve, po diskutohet për marrëveshjet e pensioneve me Greqinë.”