Burime nga një bazë sekrete në Itali, ku prej afro 22 vitesh jeton familja e një ish-zyrtari të lartë SHIK të viteve 1992-1997, thonë se pas Izet Haxhiajt, do të “rrëfehet” vullnetarisht para drejtësisë edhe një tjetër ish-“kamikaz” i Saliut, për një krim barbar të kryer 23 vite më parë, në zyrat e SHIK që në ato kohë ishin kthyer si në “dhoma troture” si të “GESTAPO”-s.
Thuhet, se në tavolinën e drejtësisë shqiptare, shumë shpejt do të ulet Arben Sefgjini, ish-eksponenti i më i besuar e “gojë-kyçur” në SHIK, i akuzuar, arrestuar, gjykuar, burgosur e liruar nga drejtësia për zhdukjen e biznesmenit kosovar Remzi Hoxha, por i “graduar” 3 herë drejtor nga Sali Berisha në vitet 2005-2013, si shpërblim i imponuar prej Sefgjinit, për të heshtur në lidhje me këtë krim e krime të tjera!
Biznesmeni Kosovar, u rrëmbye nga “grupi special” i SHIK në datën 21 tetor 1997 me urdhër të Sali Berishës ish-President Republike, si “agjent” që kishte filmuar një takim sekret të Berishës Ohër, bërë me Gligorovin dhe Milosheviçin, në kulmin e kontrabandës së karburanteve e armëve, që Berisha i çonte regjimit serb nëpërmjet firmës mafioze “Shqiponja” të PD, me drejtues Bashkim gazideden, Tritan Shehun e Genc Pollon.
Sot pas 23 vitesh, ish-drejtuesi i SHIK Arben Sefgjini ka vendosur të rrëfejë me detaje e madje edhe me “letra” rrëmbimin, torturimin me vdekje në bazën e SHIK-t në Vainë-Lezhë dhe zhdukjen e trupit të Remzi Hoxhës, gjë të cilën prej kaq vitesh e ka mohuar për “hatër të Berishës”, duke pranaur burgosjen dhe rrezikun ndaj familjes, të cilën Berisha ia fshehu në Itali, me identitete të rreme!
Deri sot, person i dënuar për “çështjen Hoxha’, janë Ilir Kumbaro i cili pas dënimit me 13 vite burg në Londër, i ka këkruar Kryprokurorit të Anglisë Ken Mec Donald, që t’i mundësonte një “seancë pendese-rrëfimi”, me kryeprokuroren shqiptare Ina Rama dhe kjo seancë është bërë në Londër, ku Ilir Kumbaro ka rrëfyer gjithçka, si “shefi” që ka drejtuar operacionin e zhdukjes së Remzi Hoxhës, por me kusht që të mos ekstradohej në Shqipëri dhe këto “pazare” i kishte rregulluar Sali Berisha.
Të njëjtën gjë, pritet të bëjë këto ditë edhe Arben Sevgjini, të cilit këtë akt “pendese e rrëfimi”, ia kërkuar familja dhe të afërmit e tij “për të mirën e fëmijëve”, duke mos mbetur peng i krimit që bëri për interesat e pushtetit dhe pasurimit të familjes Berisha.
Sipas informacionit, thuhet se Arben Sefgjini ka nisur kontaktet me drejtësinë shqiptare, për të dhënë dëshminë e tij të plotë, lidhur me krimin rrëmbimit, torturimit dhe zhdukjes së trupit të Remiz Hoxhës, me porositës Sali Berishën!
Ja deklarata e Izet Haxhiajt për zhdukjen e Remzi Hoxhës, datë 30 prill 2015:
Remzi Hoxha kishte filmuar një takim të Berishës, Gligorovit e Millosheviçit në vilën “VİLJANA” në Ohër dhe ky takim është e vërtetë zyrtare dhe ka qenë rasti i parë që nuk janë pranaur shoqëruesit në takim as unë e as të tjerët dhe ky është shkaku i zhdukjes së tij.
Remzi Hoxha ka vdekur nga torturat në qelitë e SHIK-ut, bërë nga njerëz të SHIK-ut dhe për zdukjen e tij ka 2 variante, që përfliten nga njerëz të SHIK edhe sot. Varanti i parë, trupi i është hedhur në det.
Varianti i dytë, trupi i është djegur prapa malit të Dajtit dhe mbetjet e eshtrave i janë groposur!
Ja deklarimet e Braçes, Tahirit, Berishës në seancën parlamentare, datë 5 nëntor 2015
ERJON BRAÇE: – Jemi në ditët kur familjarët kërkojnë kockat e tij, për të pasur një varr dhe për ta qarë atje. Keni detyrimin si gjysh, si prind, si vëlla, t’i thoni asaj familjeje se ku janë eshtrat e Remzi Hoxhës”
SAIMIR TAHIRI: – MPB do të bëjë ç’është e mundur që t’iu kërkojë autoriteteve angleze gjithçka ka në dorë për të kapur dhe për të sjellë para drejtësisë Ilir Kumbaron”
SALI BERISHA:- Nuk kam asnjë dijeni për këtë rast. U tha se Remzi Hoxha, ka marrë pjesë në autobombën e vendosur ndaj Gligorovit. U tha se ka marrë pjesë, në atentatin e ndaj Sali Berishës. U tha më vonë, se ka folur sikur Arkani është takuar në Shkodër me Bashkim Gazideden, por këto ishin sajesa dhe trillime, që donin të përdornin një njeri pasi e zhdukën vetë për qëllime politike”./Pamfleti
