Përpara disa muajsh në media u përhap me shpejtësi një video ku deputeti Ervin Salianji, i ndodhur në Kuvend ishte duke shkëmbyer mesazhe me përmbajtje erotike me një person që inicialet ja kishte shënuar ‘GD’. Në media kjo gjë bëri shumë bujë dhe u diskua gjatë se pas këtyre inicialeve fshihej ish deputetja e Partisë Demokratike Grida Duma.
Mirëpo edhe pse këto mesazhe u komentuan gjatë nga portalet, Grida nuk reagoi asnjëherë mbi to. Ditën e sotme ish deputetja ka qenë e ftuar në emisionin ‘Rudina’ ku ka folur për karrierën e saj, rolin si nënë, por edhe për baltosjen që mediat i bënë emrit të saj.
“Janë momente të vogla ato dhe besoj se çdo njeri i ka ato reflektime. Them se e kam ndjekur thirrjen që kam brenda vetes time: Po unë dua të përçoj një mesazh. Por a është politika aura më e mirë? Duket se në Shqipëri politika ka privatizuar çdo gjë dhe media gjithashtu. Ka disa momente të vogla siç është baltosja nëpër portale. Është një kosto mendore, pa diskutim. Por kush është kosto mendore, që disa njerëz po të shajnë? Jo, asnjë problem nuk kam me këtë.”
“Gjithmonë duhet të bëjmë numërimin që ka 3 njerëz që na shajnë, ndoshta dhe 300, por janë 3.000 apo 300.000 ato që na duan. Por e mirëkuptoj baltosjen deri në një masë të caktuar sepse njerëzit kanë nevojë të shfryjnë dhe mund të jetë të painformuar apo me një zili si pasojë e jetës së keqe. Edhe nëse ne do të bënim një dialog të gjatë a do të gjenim një personazh të vetëm të cilin ky vend nuk e ka baltosur? Edhe njerëzit me të cilët jemi nderuar me çmime ndërkombëtare nuk i kanë shpëtuar baltosjes. Nuk i ka shpëtuar askush” , ka treguar Grida Duma duke mos dashur të flas më konkretisht për ato mesazhe.