Dritan Rexhepi dhe Ibrahim Lici janë të fundit “e të fortëve” që kanë rënë në prangat e policisë së vendeve të huaja dhe pritet të ekstradohen në Shqipëri.
Brenda 200 ditëve fatin e tyre kanë pasur edhe disa prej personazheve më të njohur të botës së krimit si Behar Bajri, Lul Berisha, Gëzim Çela, Leonard Duka, Plarent Dervishaj, Julian Mecaj, Florenc Çapja, Eduart Kurti etj.
Pas shkëmbimit të informacioneve mes policisë shqiptare dhe Interpol ëhstë bërë i mundur lokalizimi dhe arrestimi i Behar Bajri në Francë, Lul Berisha në Spanjë, baroni i heroinës Gëzim Çela në Kosovë, shqiptari më i kërkuar në botë Dritan Rexhepi në Turqi, Leonard Duka në Belgjikë, kunati i Lul Berishës, Plarent Dervishaj në Dubai, Juljan Meçaj në Dubai, Florenc Çapja në Dubai, vrasësi i dënuar me burgim të përjetshëm Ervin Shahini, në kërkim prej 26 vitesh, apo Eduard Kurti i dënuar gjithashtu me burgim të përjetshëm.
Në të njëjtën kohë u lokalizuan dhe u ekstraduan disa personazhe kriminale si Rubein Saraiva në Marok, apo Donald Hoxha në Britaninë me Madhe, të kërkuar nga drejtësia për vrasje.
Aksioni më i fundit i Policisë ishte ai i lokalizimit të Ibrahim Licin, i shpallur në kërkim përvrasjen e Endri Mustafës. Pas lokalizimit, policia ka njoftuar autoritetet turke, duke bërë të mundur arrestimin e “Toto Rinës” së Shkodrës.
Më 10 maj të vitit 2023 prokuroria e Shkodrës mbylli hetimet dhe dërgoi për gjykim dosjen penale kundër Ibrahim Licit, duke e akuzuar këtë të fundit si ekzekutor i Endri Mustafës, më 17 maj 2021.
Dosja nga grupi hetimor i prokurorisë është dërguar ne gjykatën e Shkodrës, por për shkak te mos arrestimit të Licit deri tani, gjykata urdhëroi pezullimin e gjykimin për 1 vit.
Në tetor të vitit 2022, në media u bë publike se lajmi se Ibrahim Lici ndodhej në Turqi dhe se autoritet turke kishin sinjalizuar ato shqiptare për plotësimin e dokumentacionit për ekstradim. Por një gjë e tillë u mohua nga Ibrahim Lici, ku theksoi në një reagim se ishte i lirë.
Për vrasjen e Endri Mustafës, është dënuar me 10 vite burg 16-vjeçari Ergys Malja, i dënuar për akuzën e ‘Vrasjes me paramendim kryer ne bashkëpunim’. Për Maljan prokuroria kërkoi 12 vite burgim për shkak të moshës së tij të mitur.