Pavarësisht largësisë, shkëmbimet tregtare midis shteteve të Bashkuara të Amerikës dhe Shqipërisë janë në nivele të konsiderueshme. Të dhënat zyrtare nga Instituti Statistikave të përpunuara nga SCAN TV tregojnë se gjatë vitit 2023 tregtia mes dy vendeve regjistrohet në 280 milionë dollarë. Konkretisht janë 179 milionë dollarë mallra të importuara në Shqipëri nga Shtetet e Bashkuara të Amerikës dhe 101 milionë dollarë mallra të eksportuara nga vendi ynë.
Por çfarë marrim më shumë nga SHBA-ja?
Referuar të dhënave të INSTAT, mallrat që dominojnë importin janë mjetet e transportit të ndryshëm nga vagonat e hekurudhës me një vlerë prej 51.5 milionë dollarësh, ndjekur nga lëndët djegëse minerale, vajrat minerale dhe produktet e distilimit të tyre 27.3 milionë dollarë; Avionët, anijet e hapësirës dhe pjesët e tyre 13.2 milionë dollarë; instrumentet dhe aparatet optike, fotografikë, kinematografi 12.3 milionë dollarë si dhe mish dhe të brendshmet e ngrënshme të mishit me afro 10.6 milionë dollarë.
Ndërsa sa i takon eksporteve, vendin e parë e zë giza dhe çeliku me një vlerë prej 58 milionë dollarë; farat vajore, bimët industriale apo medicinale, ushqim për kafshët me një vlerë prej 14.5 milionë dollarësh si dhe vajra dhe dhjamra kafshore apo vegjetale; Alumini dhe artikuj prej tij, etj.