Një grup deputetësh i Kuvendit të Shqipërisë është duke kryer një vizitë në SHBA për të marrë pjesë në “Mëngjesin e Lutjeve”, një ceremoni që organizohet prej vitesh dhe që pikë kontakti në Shqipëri ka një deputet, i cili aktualisht është duke u përballur me drejtësinë dhe është duke u gjykuar për një aferë korruptive me pasojë vdekjen e 26 qytetarëve shqiptarë.
Pra, vetëm ky detaj vlen për të kuptuar se cila është rëndësia politike e kësaj vizite.
Pavarësisht kësaj, “kleçka” qëndron diku tjetër.
Ndonëse në Tiranë bëjnë sikur zihen dhe grinden me njëri-tjetrin, Gazment Bardhi dhe deputetët që e mbështesin, marrin pjesë me shpenzimet e Kuvendit të Lindita Nikollës në ceremoni të organizuar jashtë shtetit dhe aty bëjnë sikur asgjë nuk ka ndodhur.
Nëse në Shqipëri, bllokojnë jetën parlamentare, Komisionet Parlamentare dhe seancat, në Evropë dhe në SHBA bëjnë takime të përbashkëta, mirëpo, për t’i hedhur hi syve të njerëzve, ndonëse takimet i zhvillojnë së bashku, fotot i bëjnë të ndarë veçmas, si për të treguar që nuk janë ftuar me të tjerët, por janë vetëm ata.
Mjafton të shohësh fotot e Gazment Bardhit dhe të Damian Gjiknurit, posaçërisht edhe postimet e tyre, për të kuptuar se është i njëjti person me të cilin është bërë fotoja, është i njëjti ambient dhe janë të njëjtët njerëz, takimi është zhvilluar bashkë, vetëm fotoja është bërë veçmas.
Me shumë mundësi, një herë ia ka bërë Damiani, Gazit, pastaj Gazi, Damianit, për të treguar që nuk janë bashkë në foto.
Surge in Measles Cases in UK Comes Amid Plummeting Vaccination Rate
Keep Watching
Nuk e dimë nëse Gazment Bardhi do ta ngrejë në SHBA çështjen e padrejtësisë së madhe që po i bëhet në Shqipëri, Sali Berishës, apo do t’i duhet që në mbledhjen e radhës t’i japë sqarime Albana Vokshit në e kreu apo nuk e kreu si duhet këtë çështje.