hkarkimi i José Mourinhos nga pankina e Romës ka ardhur sot si një rrufe në qiell të hapur, edhe pse rezultatet nuk ishin në favor të trajnerit portugez. Të gjitha mediat sportive të Europës kanë si lajm kryesor se “Special One” i thotë lamtumirë kryeqytetit italian pesë muaj më herët se t’i skadonte kontrata në fuqi.
Si gjithmonë, shtypi anglez është më thumbuese. “José u shkarkua… përsëri”, – shkruan “Daily Mail”, medie e cila thekson sesi portugezi kishte qenë i hapur për rinovimin e kontratës së tij në javët e fundit. “Mos qaj, José, – thumbon ‘The Sun’, tabloid që përmbledhtazi raporton: “José Mourinho shkarkohet nga një Romë në krizë dhe i sharë nga tifozët e saj”.
“Special Gone” është loja me fjalët e përdorura nga “Talksport”, medie angleze e cila tallet me pseudonimin e portugezit (“Special One”). Shtimi i një “G” ndryshon plotësisht kuptimin e frazës, për t’u interpretuar si: “Iku i veçanti”.
Titujt e mediave të tjera janë më të matur, në thelb të kufizuar në lajmin e shkarkimit, duke filluar nga Portugalia. “O Jogo” nënvizon se ky është shkarkimi i katërt radhazi për trajnerin luzitan: Chelsea më 2015, Manchester United më 2018, Tottenham më 2021 dhe Roma më 2024.
“Roma e shkarkon Mourinhon në mënyrë të rrufeshme”, – shkruan spanjollja “AS”. “Vendim surprizë nga Roma”, – shkruan “Fanatik”. “Roma shkarkon Mourinhon”, – bën me dije gjermania “Bild”.
