Një lajm i dhënë konfidencialisht nga policia e Tiranës, tregon një realitet tepër interesant për nga përmbajta e jo nga sektori ku ka ndodhur.
Sipas lajmit, para 4 ditësh, shërbimet policore kanë shoqëruar për në Drejtorinë e Policisë, shtatë persona të ndarë në dy grupe, të cilët kishin gjetur si “punë”, ushtrimin e prostitucionit.
Ky biznes u ecte mbarë, duke gjetur meshkuj vetëm me “prenotime”, që klientët të ishin të njohur ose pranoheshin “me besë”, nga frika e zbulimit prej SHIK dhe policisë.
Në deklarimet që kanë dhën të shoqëruarit në polici, thuhet se klinetët që frekuentonin dy “banesat e qjefit”, ishin kategori sociale-ekonomike të nivelit të fundit në moshat 45-60, por që varfëria nuk ua kishte shuar ndjenjën për seks.
Njohja me pronarët e femrave dhe fakti që për efekt sigurie pranohehsin “me besë”, u kishte krijuar edhe një privilegj tjetër në aspektin financiar.
Zakonisht, ata i paguanin tarifat e vendosura prej “pronarëve” të femrave, por në disa raste ndodhte, që shkonin për të bërë qejf pa lekë ose me pak lekë në xhep.
Të shoqëruarit, gjatë marrjes në pyetje në polici, lidhur me me skemën e funksionimit të këtij aktiviteti, kanë deklaruar se klientët që nuk kishin lekët “në dorë”, ose që kishin vetëm gjysmat e “hakut të punës”, pranoheshin të bënin seks me… këste dhe me listë!/Pamfleti
