Ish-ministri i Mbrojtjes, Fatmir Mediu ka përfunduar dëshminë e tij të mërkurën e 27 dhjetorit pranë Gjykatës së Posaçme në lidhje me çështjen “Gërdeci”.
Ai shprehet se ky proces tashmë po shndërrohet në një lojë mediatike dhe nuk po i shërben të vërtetës.
Interesi për t’i shkuar të vërtetës deri në fund, mungon sipas ish-ministrit.
Ndërsa, i pyetur nëse ishte e domosdoshme dëshmia e Shkëlzen Berishës, Mediu thotë se nuk ekziston një raport mes tyre për këtë proces.
“U duk qartë dhe nga dëshmia e Shkëlzen Berishës se ai nuk ka lidhje me Fatmir Mediun. Asnjë marrëdhënie në raport me këtë proces. Këto janë insinuata të qëllimshme që janë ngritur dhe Prokuroria e di”, tha Mediu.
Fatmir Mediu: Më lejoni të deklaroj se ky proces gjyqësor në mënyrën se si po e zhvillon Prokuroria duke thirrur dëshmitarë, për procesin e demontimit dhe zbatimin e tyre po e kthejnë këtë proces në një proces krejt allogjik. Është një lojë mediatike që nuk i shërben të vërtetës.
Mungon interesi për ti shkuar të vërtetës deri në fund.
Së pari unë mendoj që të thirren të gjithë dëshmitarët të japin dëshmitë e tyre, dhe ata që s’janë brenda vendit ka mënyra.
Edhe sipas Kodit të procedurës penale një pjesë të tyre u jep të të drejtën për të mos folur dhe heshtur.
Mendoj që shumë e rëndësishme të rithirren personalitete ushtarake. Ekipet kanë qenë me zyra permanente në ministrinë e Mbrojtjes, kanë punuar në nivelin politik me ligjbërjen me strategjitë e demontimit, dhe zbatimin e të gjithë akteve që forcat e armatosura të kenë nivelin për tu bërë pjesë e NATO-s.
Po ashtu personalitet e SHAB dhe ministrat që unë kam kërkuar që të thirren, ne do ta kishim si një vlerësim për të parë deri në fund për të shmangur çdo lloj keqkuptimi për ndarjen e rolit të civilëve dhe ushtarakëve, përndryshe do ecnim me konceptin e vjetër se ushtria është e partisë, dhe partia bën sit ë dojë.