Drejtori i DRSHTRR-së, Blendi Gonxhe ka reaguar ndaj një deklarate të Pim Çekut lehsit të familjes Salbino, i cili tha gjatë emisionit të tij se në një prej degëve të këtij institucioni janë punësuar rreth 100 persona që kanë lidhje me njerëz të drejtësisë.
Përmes një postimi në rrjetet sociale, Gonxhe sqaron se deklarata e Pekës është lajm i rremë, teksa i kërkon atij që ta tërheqë pas, ose në të kundërt i lind e drejta t’i drejtohet rrugës ligjore.
Gonxhe shpjegon më tej se gjatë drejtimit të DRSHTRR-së prej tij, për më shumë se 5 vite janë larguar nga puna vetëm 27 punonjës, ndërsa për një periudhë 4 vjeçare gjatë qeverisjes së koalicionit PD-LSI, nga DRSHTRR janë hequr më shumë se 700 punonjës duke i shkaktuar një faturë detyrimesh këtij enti prej mbi 1 milionë euro.
Gonxhe thotë se sot në DRSHTRR janë të punësuar edhe familjarë të personave që janë zëri më anti-qeveritar, familjarë deputetësh, ish-deputetësh të opozitës apo kryetarëve të bashkive nga PD dhe LSI.
Reagimi i plotë i Gonxhes:
FAKE NEWS? Hedhim poshtë me neveri akuzën e moderatorit Çim Peka, në një panel në SYRI TV, se në DRSHTRR Tiranë (siç e cilëson ai: Drejtoria e Targave dhe Patentave në Kashar) qenkan punësuar, të paktën 100 veta, njerëz të sistemit të ri të drejtësisë (!!!!!)! Sfidojmë Z. Peka të vijë vetë të na provojë dhe të vërtetojë akuzën e tij! Është e turpshme të hidhet baltë mbi një ent model, sa i takon respektimit të Kodit të Punës, ku për periudhën që lidhet me marrjen e detyrës nga ana ime, dhe që sipas Z. Peka përkon me ngritjen e sistemit të ri drejtësisë, të cilit sipas Z. Peka i paskemi bërë mbi 100 qoka punësimi, evidentojmë me krenari se as nuk kemi favorizuar ndonjë skemë kapjeje institucionesh të pavarura me vende të reja pune dhe as nuk kemi ushtruar spastrime, fshesa politike, partiake apo diskriminuese!
Ftoj Z. Peka të mësojë mbi batërdinë e paraardhësve të mi, kur kjo drejtori thyente rekorde spastrimesh për t’u bërë hambar për militantë të PD e LSI, duke përzënë në vetëm 4 vite (2014-2017) mbi 700 punonjës, dhe duke i sjellë entit (DPSHTRR-së) një faturë detyrimesh gjyqësore për dëmshpërblimin, prej 118,278,777 Lekë të reja (ose rreth 1.15 milionë Euro me kursin e sotëm)! Ndryshe nga ky model i shëmtuar, gjatë drejtimit tim (nga dt. 22.11.2018 e në vijim, pra për mbi 5 vjet) janë vetëm 24 largime nga puna të kontestuara, ende në proces gjykimi!
Në DPSHTRR punojnë sot edhe të afërm, bashkëshortë, familjarë të personazheve me zë anti-qeveri dhe të deputetëve ose ish-deputetëve të opozitës, apo kandidatësh për deputetë a kryetarë bashkish të PD/LSI, etj, si një normalitet për standardet tona dhe respektin ndaj ligjit, të gjithë dëshmitarë të frymës korrekte, profesionale dhe plotësisht të denjë, si dita me natën e krahasuar me epokën e drejtorisë famëkeqe të targave e patentave, kur drejtohej nga ata që sot përfaqësojnë opozitën! Të hapur për çdo verifikim, i kërkojmë Z. Peka ose të faktojë akuzën, ose të korrigjojë vetveten! Në tê kundërt na lind e drejta t’i drejtohemi rrugës ligjore për vënien në vend të reputacionit të DPSHTRR!