Erlind Basha, vëllai i kryetarit të Partisë Demokratike ka punuar si këshilltar ligjor pranë Gjykatës së Lartë, por përpara se Komisioni i Pavarur i Kualifikimit të merrte në shqyrtim dosjen e tij për vlerësim profesional dhe atë të pasurisë, ai vendosi të jepte dorëheqjen.
Por edhe pse është larguar, Erlind Basha sërish kërkohet nga Vettingu, për t’iu nënshtruar shqyrtimit të dosjes.
Në vendimin me shkrim të KPK-së që Dita disponon thuhet se “nga ana e Komisionit janë bërë përpjekjet për komunikimin e vendimit të subjektit të rivlerësimit, duke e dërguar vendimin në adresën: Rruga “Demir Gashi” nr.3, Tiranë.
Në kushtet kur në adresën zyrtare të këtij shtetasi nuk është bërë i mundur komunikimi i vendimit, bëhet kjo shpallje publike me efekt 20 (njëzet) ditë, me qëllim njoftimin e vendimit.”
Pra, Komisioni i Pavarur i Kualifikimit është detyruar të bëjë publike vendimin e tij për subjektin e rivlerësimit, Erlind Basha, pasi ky i fundit siç duket ka mashtruar për vendndodhjen e tij.
