Heshtja e Ilir Metës, këto muajt e fundit, është misteri më i madh politik.
Ai që para zgjedhjeve vendore dilte nga mëngjesi në darkë në çdo TV, duke deklaruar se ishte e sigurtë që opozita do të fitonte Tiranën, Durrësin, Elbasanin e Shkodrën, pas 14 majit u zhduk si me magji.
Daljet e tij në publik dhe media janë gjithnjë e më të rralla.
Madje edhe në këto momente dramatike, për aleatin e tij Sali Berisha, që rrezikon burgun.
Ai e la vetëm atë edhe një ditë më parë, duke i dërguar veç Petrit Vasilin në protestë.
Askënd tjetër, as Monikën, madje as Endritin.
Doli veç një ditë më pas në media
Berisha e ka justifikuar disa herë distancimin e Metës, duke thënë se ai ka probleme shëndetësore.
Por të tjerë thonë se në fakt, atë dhe të shoqen i ka zënë frika se pas Berishës, radhën e kanë pikërisht ata.
Dhe ndaj nuk shfaqen publikisht, se ndoshta i shpëtojnë syrit të SPAK.
Sepse siç po e shohin me rastin e Berishës, askush nuk mund t’i shpëtojë!
Nuk i ndjek më kush pas që t’i bëjnë presion drejtësisë dhe tashmë nuk trembin dot më askënd.
Ndaj dhe me sa duket kanë zgjedhur si strategji mbrojtje, heshtjen dhe distancimin nga Berisha. Me shpresën se mos i harrojnë.