Rasti që do shikoni në vijim, e thënë në mënyrë të thjeshtë e të pastër, është një nga vjedhjet më të hapura që janë bërë ndonjëherë në Shqipëri. Bëhet fjalë për Pirro Vengun, drejtorin e Portit të Durrësit që do harxhojë 600 milionë lekë për rehabilitim godinash.
Deri këtu, në pamje të parë, duket si një tender i zakonshëm që bëjnë institucionet shqiptare për të rikonstruktuar godinat e dëmtuara dhe të amortizuara. Vetëm se në këtë rast ka një problem të vockël.
Godinat në fjalë për të cilat do shpenzohen këto 600 milionë lekë, do të prishen për t’i hapur vend projektit të Mohamed Alabbar. Pra nuk ka arsye të rikonstruktohen këto godina duke ditur që së shpejti do prishen. Kjo vërtetohet mjaft theshtë duke parë videot prezantuese të këtij projekti.
Në vendin ku ndodhen sot godinat që do të rehabilitohen, në planin e Alabbar nuk gjenden. Pra në rastin më të mirë këto 600 milionë lekë po hidhen në plehra kot. Sigurisht është e qartë që nuk do hidhen, pasi siç e kuptoni, do të përfundojnë direkt e në duart e Pirro Vengut, i cili për habi nuk është shqetësuar asnjëherë nga SPAK.
Më konkretisht bëhet fjalë për tenderin me numër reference REF-74970-07-12-2023 dhe me objekt “Hartim projekti për Port House dhe rehabilitim i Godinave Historike ADM”, me një fond limit 51,221,815 lekë të reja pa TVSH ose rreth 614 milionë lekë të vjetra përfshirë TVSH.
Fitues janë shpallur bashkimi i operatorëve “CIVIL CONS” & “TRANSPORT HIGHWAY CONSULTING” & “ARABEL – STUDIO” për shifrën 50,920,000 lekë të reja pa TVSH ose rreth 610 milionë lekë të vjetra me TVSH.
Kjo shifër ndërkohë është sa 99.4% e fondit limit. Shihet qartë se përtej vjedhjes skandaloze duke bërë tender rehabilitimi për godina që do prishen, Pirro Vengo ka vjedhur edhe në vetë tenderin e organizuar, pra ka vjedhur dy herë./JOQ