Të papërgjegjshëm, arrogantë, zhvatës, tribalë, me natyrë tipike mafioze, hajdutë pa cipë dhe skandalozë në ekstrem.
Kompania mafioze e fluturimeve Wizz Air vazhdon të tallet dhe shkatërron nervat e shkund xhepat e pasagjerëve shqiptarë.
Është kompania më kriminale që ka njohur ndonjëherë historia pas Belle Air. Kriminale me mburojë shtetërore.
Ajo që po u bën çdo javë Wizz Air shqiptarëve nën hundën e Aviacionit Civil, Albcontrol, prokurorisë, policisë, nuk ua kanë bërë as pushtuesit.
Këtë të premte kompania mafioze Wizz Air ka anuluar dhe shtyrë sërish fluturimet për 24 orë, në minutat e fundit.
Kompania i kishte njoftuar pasagjerët se fluturimi do të shtyhej me dy orë. Fluturimi ishte parashikuar për të nisur në orën 12:10. Fluturimi u shty për në orën 14:00.
Kur pasagjerët u paraqitën sot në orën 11 për të bërë check-in, u njoftuan se fluturimi nga Tirana në Milano ishte shtyrë me 24 orë.
Papërgjegjshmëria e kompanisë, që pasi anulon fluturimet pa paralajmërim, bëhet edhe më ekstreme dhe arrogante.
Përfaqësuesit e mafies Wizz Air u thonë pasagjerëve që ankohen, se ata nuk dinë asgjë, se nuk përfaqësojnë kompaninë dhe që të ankohen online në faqen e kompanisë mafioze.
Po si mund t’i përgjigjet mafia ankesës së një qytetari të braktisur dhe tradhtuar nga shteti i tij?
Kush i paguan shpenzimet për taksi, fjetje në hotel, ditën e punës, stresin dhe sorollatjet?
Kush i paguan prerjen e një bilete të re me kosto të lartë?
Mafia Wizz Air nuk mban asnjë përgjegjësi. Nuk rimburson asgjë.
Në vend që të procedohej penalisht, të dëbohej me urgjencë, të sekustrohej dhe izolohej si kartel kriminal, Wizz Air vijon maskaradën, sigurisht në bashkëpunim të heshtur me organet e shtetit shqiptar.
Ajo që vihet re është se vonesat në nisje ndodhin vetëm për fluturimet drejt Tiranës dhe Prishtinës, ku nuk funksion shteti, rregullat dhe kontrolli.
Çdo fluturim tjetër i kompanisë brenda Italisë apo vendeve të tjera, niset sipas orarit të përcaktuar. Në vendet e tjera, kompania mafioze, për çdo karagjozllik dhe marifet, mban përgjegjësi dhe ndëshkohet.
Skandalet e mafies Wizz Air janë sa poshtëruese aq edhe kriminale
Avioni i linjës “WizzAir” në datën 1 janar 2023, me destinacion Londrën, ka bërë një ndalesë në Greqi, pasi në bord ka pasur disa shtetas me pasaportë greke. Pra, avionin e ka kthyer në urban. Muaj më parë disa qytetarë thanë se ishin nisur drejt Belgjikës, por avioni i tyre është vonuar rreth tre orë. Më pas, avioni nuk e ka bërë zbritjen në Belgjikë, por në Lille të Francës.
Në 8 shtator 2023,“Wizz Air”, një nga kompanitë ajrore më të denoncuara, ka regjistruar një tjetër skandal. Ky rast është denoncuar nga ish-ministri i Drejtësisë, Ylli Manjani. Avioni i linjës Athinë-Tiranë, që ishte planifikuar të nisej rreth mesnatës, ka braktisur pasagjerët. Manjani thotë se fillimisht udhëtarët janë ngjitur në avion dhe kanë qëndruar aty për më shumë se dy orë pa asnjë informacion. Ish-ministri deklaron se pas më shumë se 2 orësh janë njoftuar se fluturimi është anuluar dhe udhëtarët janë “lënë në mëshirë të fatit”.
Nuk mungojnë rastet kur mafia Wizz Air shet më shumë bileta se sa ka vende në avion. Vonesat me 2-3 orë në avion janë të zakonshme. Dy ditë më parë, pasagjerët, pasi qëndruan 3 orë në avionin e mafies Wizz Air në Tiranë, u urdhëruan që të zbrisnin pasi avioni kishte defekt. Duket se ministrja Belinda Balluku, kryeministri Edi Rama, Presidenti, prokuroria dhe policia do të zgjohen vetëm pasi avionët e mafies Wizz Air të bien.