Ky është Grupi E pas përfundimit të këtij raundi. Shqipëria është i vetmi ekip që ka siguruar kualifikimin.
Shuhen shpresat për Poloninë pas barazimit me Çekinë mbrëmjen e sotme.
Duket se bileta tjetër për Euro 2024 do të ndahet mes Republikës Çeke dhe Moldavisë.
Të hënën e 20 Nëntorit, Shqipëria do të përballet me Ishujt Faroe, ndërsa Çekia me Moldavinë.
Teksa kuqezinjtë do të luftojnë për vendin e parë, surprizë mund të jetë edhe Moldavia që ka treguar potencial këtë fushatë eliminatoresh.
Ndeshja e parë mes të dyjave u nda në barazim 0-0. Cila skuadër mendoni se do t’i bashkohet Shqipërisë në Gjermani?
