Nga Joseph Stiglitz
Përshëndetje! Unë jam Kapitalizmi
I rrita vajzat tuaja të vogla me kukulla Barbie, ndaj mos u çuditni sot, kur ju kërkojnë para për operacione estetike!
Krijova një industri të pafund për interesat e mia! Dhe e arrita atë që doja…Tashmë shumica e vajzave 17-vjeçare nuk janë të kënaquara me pamjen e tyre të jashtme.
Unë jam Kapitalizmi!
Mjafton që një grua të shfletojë vetëm për 15 minuta një revistë mode dhe të mos e pëlqejë më trupin e saj.
Unë jam Kapitalizmi.
E kam ndryshuar aq shumë këndvështrimin tuaj për jetën, sa që historia e jetës së një Drejtori hajdut mund të duket për ju një “histori suksesi dhe vullneti”.
Unë jam Kapitalizmi!
S’kam aspak frikë se mund të dështoj në një botë ku mesatarja e njerëzve sheh televizor rreth 5.5 ore në ditë, nuk lexon libra, shkon shumë pak në teatër dhe kinema.
Unë jam Kapitalizmi!
Patjeter që Steve Jobs -i është njeri shumë i rëndësishëm. Në fakt, ishte shumë i zoti për të bërë që punëtorët me pagë të ulët në vendet e Botës së Tretë të prodhonin makineri që i nevojiten vetem 1%-shit. Patjetër që të gjithë kapitalistët do të flasin si të ishin “shenjtorë”, fiks si flantropi Bill Gates, një shenjtor që jeton ne një shtëpi 66.000 m2, 150 milion dollarëshe.
Unë jam Kapitalizmi!
Për shkakun tim anembanë gëlojnë kushërinjtë që marrin gjak për sherre trashëgimie. Ndërkohë që çdo vit vdesin 20 milion fëmijë nga uria, ju derdhni djersë për të shkrirë dhjamërat mbi pistat e vrapit.
Unë jam Kapitalizmi dhe falë meje në botë ekzistojnë 600 milion obezë dhe 1.4 miliardë njerëz të uritur!
Unë jam Kapitalizmi dhe një bujk që prodhon kafe për Starbucks, për të blerë një gotë kafe aty, duhet të punojë tri ditë!
Unë jam kapitalizmi dhe “ekonomia e tregut të lirë” është gënjeshtra më e madhe në botë. Unë jam Kapitalizmi dhe 24% e amerikanëve thonë se janë gati të mohojnë familjet e tyre nëse do të bëheshin miliarderë.
Unë jam Kapitalizmi dhe u bëj thirrje grave!
Ju lutem vraponi për tek Victoria Secret pa menduar se jeni kthyer në një objekt, ju garantoj se do të ndjeheni shumë të lumtura kur të blini 80 dollarë një palë brekë sa një pëllëmbë!
Unë jam Kapitalizmi dhe kalova ne ekstazë nga kënaqesia kur dëgjova se një fëmijë 15 vjeç shiti veshkën për të blerë iPad.
Unë jam Kapitalizmi dhe Madonna, vetëm në Londër, ka 8 shtëpi aq të mëdha sa mund të strehojnë plot 600 të pastrehë.
Unë jam Kapitalizmi dhe ju vdisni për xhevahire, ndërsa në İndi 1 milionë persona i prodhojnë ato xhevahire duke
marrë 1.2 dollarë në ditë.
E bëra botën të besojë se bjondet janë më të bukura, prandaj sot në kontinentin e Azisë, 300 milionë gra përdorin rregullisht shampo zbardhuese.
Unë jam Kapitalizmi dhe 64% e atyre yjeve të Hollivudit, të cilët ju i keni idhuj, janë të varur nga kokaina.
Unë jam Kapitalizmi dhe ndërkohë që 20 milionë fëmijë vdesin nga uria në vit, juve ju vjen turp të vishni të njëjtën kemishë dy herë në javë.
Unë jam Kapitalizmi dhe për cilat festa e keni fjalën, kur gjithë bota “feston” thjesht duke bërë shoping dhe duke shpenzuar?
Unë jam Kapitalizmi dhe përsëri ia arrita!
I bëra gratë të besojnë se s’kanë asgjë për të veshur, pavarësisht se dollapet po i thyhen nga rrobat.
50% e popullsise së botës zotëron vetëm 1% te burimeve dhe pasurive të saj, ndërsa 1% e popullsisë, zotëron 50% të burimeve dhe pasurive botërore.
Unë jam Kapitalizmi dhe bankierët janë bijte e mi.
Edhe diçka të fundit, shtetet ku ju jetoni janë komiteti ekzekutiv i punëve të mia!..
Shkëputur nga libri i Joseph Stiglitz “The Price of Inequality”
Stiglitz ishte fitues i Çmimit Nobel për Ekonomi në vitit 2001. Në vitin 2011, Time e renditi Stiglitz si një nga 100 njerëzit më me ndikim në botë.